കൊല്ലം : കോട്ടയം നഗരസഭ പെൻഷൻ തട്ടിപ്പ് കേസ് പ്രതി മുൻ നഗരസഭാ ജീവനക്കാരൻ അഖിൽ ടി വർഗീസ് പിടിയിൽ.
2.5 കോടിയോളം രൂപ തട്ടിയെടുത്ത കേസിലെ പ്രതിയായ അഖിലിനെ കൊല്ലത്തു നിന്നാണ് അന്വേഷണ സംഘം പിടികൂടിയത്. ഒരു വർഷമായി ഇയാൾ ഒളിവിലായിരുന്നു.
വ്യാജ രേഖകൾ ഉണ്ടാക്കി പെൻഷൻ തട്ടിയെടുക്കുകയായിരുന്നുവെന്നാണ് കേസ്. ആദ്യം ക്രൈം ബ്രാഞ്ച് അന്വേഷിച്ച കേസ് പിന്നീട് വിജിലൻസിന് കൈമാറുകയായിരുന്നു.
തട്ടിപ്പ് നടത്തിയത് കണ്ടെത്തിയതിനെ തുടര്ന്ന് നഗരസഭയിലെ പെൻഷൻ വിഭാഗം മുൻ ക്ലാർക്ക് അഖിൽ സി വർഗീസിനെതിരെ നഗരസഭാ സെക്രട്ടറി പൊലീസിൽ പരാതി നൽകുകയായിരുന്നു. ഇയാളുടെ അമ്മയുടെ അക്കൗണ്ടിലേക്ക് ഫാമിലി പെൻഷൻ തുക മാറ്റിയായിരുന്നു തട്ടിപ്പ്.
ഓരോ മാസവും 5 ലക്ഷം രൂപ വീതം മാറ്റിയാണ് തട്ടിപ്പ് നടത്തിയത്. 2020 മുതൽ 2023 വരെയാണ് തട്ടിപ്പ് നടന്നത്. വൈക്കം നഗരസഭയിലാണ് ഇപ്പോൾ അഖിൽ ജോലി ചെയ്യുന്നത്.
