മുവാറ്റുപുഴ: ബൈക്ക് ലോറിയുമായി കൂട്ടിയിടിച്ച് യുവാവിന് ദാരുണാന്ത്യം. കോട്ടയം സൗത്ത് പാമ്പാടി ആലുങ്കൽ പറമ്പിൽ ചന്ദ്രൻ ചെട്ടിയാരുടെയും ശോഭാ ചന്ദ്രന്റെയും മകൻ അനന്ദു ചന്ദ്രൻ(30) ആണ് മരിച്ചത്.
മൂവാറ്റുപുഴ- പെരുമ്പാവൂർ റൂട്ടിൽ ഐ. റ്റി. ആർ ജംഗ്ഷനിൽ ഇന്ന് പുലർച്ചെ അനന്ദു ഓടിച്ചിരുന്ന ബൈക്ക് ലോറിയുമായി കൂട്ടിയിടിക്കുകയായിരുന്നു. ഗുരുതരമായി പരിക്ക് പറ്റിയ യുവാവിനെ ആശുപത്രിയിൽ എത്തിക്കും മുൻപുതന്നെ മരണം സംഭവിച്ചു. മൃതദേഹം മൂവാറ്റുപുഴ സഹകരണ ആശുപത്രിയിൽ. പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുക്കും.
