കാട്ടുതീ പടർന്ന് കയറി എസ്റ്റേറ്റിലെ റബ്ബർ മരങ്ങൾ കത്തി നശിച്ചു

മുണ്ടക്കയം : ഹാരിസൺ ബോയ്സ് എസ്റ്റേറ്റിലെ കൊടികുത്തി ഡിവിഷനിൽ ഉറുമ്പിക്കര വനത്തിൽ നിന്നുള്ള കാട്ടുതീ പടർന്ന് കയറി നിരവധി റബ്ബർ മരങ്ങൾ കത്തിനശിച്ചു.

ഇന്നലെ ഉച്ചകഴിഞ്ഞാണ് തീ പടർന്ന് കയറിത്.  ബോയ്സ് എസ്സ്റ്റേറ്റ് കൊടുകുത്തി ഡിവിഷനിൽ 97 ഫീൾഡിലായിരുന്നു തീപിടുത്തം . 100കണക്കിന്  മരങ്ങൾ കത്തി നശിച്ചു.

എസ്റ്റേറ്റ് മാനേജർ മുഹമ്മദാലിയുടെ നേതൃത്വത്തിൽ തൊഴിലാളികളും ഫയർ ഫോഴ്സും ചേർന്ന് മണിക്കൂറുകളോളം നടത്തിയ പരിശ്രമത്തിനൊടുവിലാണ് തീ പിടുത്തം  നീയന്ത്രണ വിധേയമാക്കാനായത്.