കവരത്തി : ലക്ഷദ്വീപില് കടലിൽ പട്രോളിംഗിന് പോയ ബോട്ട് മറിഞ്ഞ് രണ്ട് പോലീസുകാരെ കാണാതായി. സുഹലി ദ്വീപിലെ പോലീസ് ഔട്ട്പോസ്റ്റിലെ ഉദ്യോഗസ്ഥരെയാണ് കടലില് കാണാതായത്. മൂന്ന് പേരാണ് അപകടത്തിൽപ്പെട്ടത്.
ഇതിൽ ഒരാൾ രക്ഷപ്പെട്ടു. രക്ഷപ്പെട്ട പോലീസ് ഉദ്യോഗസ്ഥന് കവരത്തിയില് ചികിത്സയിലാണ്. മറ്റു രണ്ടുപേരെ കുറിച്ച് ഇതുവരെ വിവരങ്ങള് ലഭിച്ചിട്ടില്ല.
കാണാതായവർക്കായി തെരച്ചില് തുടരുകയാണ്. കവരത്തി ദ്വീപിലെ നബീല്, ആന്ത്രോത്ത് ദ്വീപിലെ ഹിദായത്ത് എന്നിവരെയാണ് കാണാതായത്.
ലക്ഷദ്വീപ് അഡ്മിനിസ്ട്രേഷൻ്റെ ഹെലികോപ്റ്ററിലാണ് തെരച്ചില് നടത്തുന്നത്. ബോട്ട് മറിഞ്ഞതോടെ അമിനി ദ്വീപിലെ ഉമ്മര് ഫാറൂഖ് എന്ന പൊലീസുകാരനാണ് നീന്തി രക്ഷപ്പെട്ടത്.
