കോട്ടയം : ലഹരിയിൽ അശ്രദ്ധമായി കാർ ഓടിച്ച് അപകടമുണ്ടാക്കിയ ദമ്പതികൾ കസ്റ്റഡിയിൽ. കായംകുളം സ്വദേശി അരുൺ, ഭാര്യ ധനുഷ എന്നിവരാണ് ചിങ്ങവനം പൊലീസിന്റെ പിടിയിലായത്.
ഇവരുടെ വാഹനത്തിൽ നിന്നും അഞ്ച് ഗ്രാം കഞ്ചാവ് പിടിച്ചെടുത്തു. പിടിയിലായ ഇവർ മുമ്പും കഞ്ചാവ് കേസുകളിൽ പ്രതികളായിരുന്നുവെന്നാണ് ലഭിക്കുന്ന വിവരം.
എംസി റോഡിൽ കോട്ടയം മറിയപ്പള്ളി മുതൽ ചിങ്ങവനം വരെയായിരുന്നു അപകടകരമായ രീതിയിൽ കാറോടിച്ചത്. നിരവധി വാഹനങ്ങളിൽ ഇടിച്ച ശേഷം നിർത്താതെ പോയ കാർ ക്രെയിൻ കുറുകെ നിർത്തിയാണ് പിടികൂടിയത്. നാട്ടുകാർ വിവരം അറിയിച്ചതിനെ തുടർന്ന് ചിങ്ങവനം പോലീസെത്തിയാണ് ദമ്പതിമാരെ പിടികൂടിയത്.
