ആലത്തൂരിൽ ജ്യൂസാണെന്ന് തെറ്റിദ്ധരിച്ച് കുളമ്പ് രോഗത്തിനുള്ള മരുന്ന് കുടിച്ച സഹോദരങ്ങൾ ആശുപത്രിയിൽ. ആലത്തൂർ വെങ്ങന്നൂർ സ്വദേശികളായ പത്തും ആറും വയസുള്ള കുട്ടികളെയാണ് മരുന്ന് കുടിച്ചതിനെ തുടർന്ന് ആശുപത്രിയിൽ പ്രവേശിപ്പിച്ചത്. തിങ്കളാഴ്ച്ച് വൈകിട്ട് നാല് മണിയോടെയായിരുന്നു സംഭവം. കുപ്പിയിൽ നിറച്ച് വച്ചിരുന്ന മരുന്നാണ് കുട്ടികൾ ജ്യൂസെന്ന് തെറ്റിദ്ധരിച്ച് കുടിച്ചത്.
രുചിവ്യത്യാസം തോന്നിയപ്പോൾ മരുന്ന് തുപ്പിക്കളഞ്ഞു. എന്നാൽ കുളമ്പ് രോഗത്തിന് പുരട്ടുന്ന മരുന്നിൽ അമ്ളത്തിന്റെ സാന്നിധ്യം ഉള്ളതിനാൽ വായിയ്ക്കും തൊണ്ടയ്ക്കും പൊള്ളലേറ്റു. കുട്ടികൾ അങ്കമാലിയിലെ സ്വകാര്യ ആശുപത്രിയിൽ ചികിത്സയിൽ കഴിയുകയാണ്. അപകടനില തരണം ചെയ്തതായി ആശുപത്രി അധികൃതർ അറിയിച്ചു.
ജ്യൂസെന്ന് തെറ്റിദ്ധരിച്ച് കുളമ്പ് രോഗത്തിനുള്ള മരുന്ന് കഴിച്ചു…ആലത്തൂരിൽ രണ്ട് കുട്ടികൾ ആശുപത്രിയിൽ
