തിരുവനന്തപുരം : ശബരിമല സ്വര്ണക്കൊള്ള കേസില് ഉണ്ണികൃഷ്ണന് പോറ്റി അറസ്റ്റില്. ഹൈക്കോടതി നിയോഗിച്ച പ്രത്യേക അന്വേഷണസംഘമാണ് ഉണ്ണികൃഷ്ണന് പോറ്റിയുടെ അറസ്റ്റ് രേഖപ്പെടുത്തിയിരിക്കുന്നത്. ഇന്നലെ മണിക്കൂറുകളായി പ്രത്യേക അന്വേഷണസംഘം പോറ്റിയെ കസ്റ്റഡിയിലെടുത്ത് ചോദ്യം ചെയ്ത് വരികയായിരുന്നു.
ഇയാളെ ഇന്ന് റാന്നി കോടതിയില് ഹാജരാക്കും. റിമാന്ഡ് റിപ്പോര്ട്ടുമായി ബന്ധപ്പെട്ട നടപടികളെല്ലാം പൂര്ത്തിയായിട്ടുണ്ട്. എസ്പി ബിജോയിയുടെ നേതൃത്വത്തിലുള്ള സംഘമാണ് ഉണ്ണികൃഷ്ണന് പോറ്റിയെ അറസ്റ്റ് ചെയ്തിരിക്കുന്നത്.
സ്വർണ്ണക്കൊള്ളയുമായി ബന്ധപ്പെട്ട് ആദ്യത്തെ അറസ്റ്റ് ആണ്. പ്രത്യേക അന്വേഷണ സംഘം രജിസ്റ്റർ ചെയ്തിരിക്കുന്ന രണ്ട് കേസുകളിലും ഒന്നാം പ്രതിയാണ് ഉണ്ണികൃഷ്ണൻ പോറ്റി.
