എംബിബിഎസുകാർക്ക് ആംഡ് ഫോഴ്സസ് മെഡിക്കൽ സർവീസിൽ ഓഫിസർ ആകാം. ഷോർട് സർവീസ് കമ്മിഷനിലാണ് അവസരം. സ്ത്രീ കൾക്കും അപേക്ഷിക്കാം. ഓൺലൈൻ അപേക്ഷ ഏപ്രിൽ 19 മുതൽ മേയ് 12 വരെ സമർപ്പിക്കാവുന്നതാണ്. ഒഴിവ്: 400 (പുരുഷൻമാർക്ക് 300, സ്ത്രീകൾക്ക് 100). എംബിബിഎസ്/പോസ്റ്റ് ഗ്രാജ്വേറ്റ് ഡിഗ്രി ആണ് യോഗ്യത. പ്രായം 2025 ഡിസംബർ 31ന് എംബിബിഎസ് അപേക്ഷകർക്ക് 30ഉം പിജി അപേക്ഷകർക്ക് 35 വയസ്സും തികയരുത്. ഡൽഹിയിൽ ജൂൺ/ജൂലൈയിൽ ഇന്റർവ്യൂ നടത്തിയാണ് തിരഞ്ഞെടുക്കുന്നത്. താൽപര്യമുള്ളവർ www.join. afms.gov.in എന്ന വെബ്സൈറ്റ് വഴി ഓൺലൈൻ രജിസ്ട്രേഷൻ നടത്തണം. യോഗ്യത ഉൾപ്പെടെയുള്ള വിശദവിവരങ്ങൾ വെബ്സൈറ്റിൽ പ്രസിദ്ധീകരിക്കും.
സേനകളിൽ 400 മെഡിക്കൽ ഓഫീസർ ഒഴിവുകൾ…മേയ് 12 വരെ അപേക്ഷിക്കാം…
