കോട്ടയം : പുതുപ്പള്ളിയിൽ എ ടി എം കൗണ്ടറും കാറുകളും അടിച്ച് തകർത്തു.
ആക്രമണത്തിനിടെ ഒരാൾക്ക് കഴുത്തിന് വെട്ടേറ്റു. വെട്ടേറ്റയാൾ കോട്ടയം ജില്ലാ ജനറൽ ആശുപത്രിയിൽ ചികിത്സയിൽ.
ഇന്ന് വൈകിട്ട് എട്ടുമണിയോടെ ആയിരുന്നു സംഭവം. രണ്ട് അക്രമി സംഘങ്ങൾ തമ്മിൽ ഏറ്റുമുട്ടുകയായി രുന്നു, ഇതിനിടെ ഇൻഡസൻ്റ് ബാങ്കിൻ്റെ എടിഎം കൗണ്ടർ അക്രമി സംഘം തല്ലി തകർത്തു.
സംഭവം അറിഞ്ഞ് കോട്ടയം ഈസ്റ്റ് പൊലീസ് സംഘം സ്ഥലത്ത് എത്തി . കൈതേപ്പാലത്ത് അടുത്ത കാലത്ത് ആരംഭിച്ച ബാറിൽ മദ്യപിച്ച ശേഷം പുറത്തിറങ്ങിയ ആക്രമിസംഘം ഏറ്റുമുട്ടുകയായിരുന്നു എന്നാണ് വിവരം.
ഈ ബാർ പ്രവർത്തിച്ചു തുടങ്ങിയ ശേഷം മിക്ക ദിവസങ്ങളിലും ഇത്തരം അക്രമങ്ങൾ നടക്കുന്നതായി പരാതികൾ ഉയരുന്നുണ്ട്.
