കുടയത്തൂർ (ഇടുക്കി) : കുവപ്പള്ളിയിലെ കർഷക ദമ്പതികളായ കുപ്പോഴയ്ക്കൽ ഷാജിയും ഷൈനിയും കൃഷി ചെയ്തിരുന്ന ചേന വിളവെടുത്തപ്പോൾ അധ്വാനത്തെ ആരാധനയായി കണ്ട ദമ്പതികളുടെ മനസ് നിറഞ്ഞു. പ്രതീക്ഷിച്ചതിനപ്പുറം വിളവ് ലഭിച്ച സന്തോഷത്തിലാണ് ഇവർ.
കഴിഞ്ഞ ദിവസമാണ് കൃഷിയുടെ വിളവെടുപ്പ് നടത്തിയത്. ശരാശരി പന്ത്രണ്ട് കിലോ തൂക്കമുള്ള ചേനകളായിരുന്നു ഷാജി -ഷൈനി ദമ്പതികളുടെ കൃഷിയിടത്തിൽ നിന്നും ലഭിച്ചത്. ഇത്തവണത്തെ കൃഷി ലാഭകരമായിരുന്നു എന്നു കർഷക ദമ്പതികൾ പറഞ്ഞു.
വിളവെടുത്ത ചേന മുഴുവൻ വിത്ത് ചേനയാക്കി കൂടുതൽ കൃഷി ചെയ്യാനുള്ള മുന്നൊരുക്കത്തിലാണ് ദമ്പതികൾ . അര ഏക്കറോളം സ്ഥലത്ത് ഇടവിളയായിട്ടാണ് ചേന കൃഷി ചെയ്തിരുന്നത്. ഇവർക്ക് എല്ലാ പിന്തുണയുമായി കുടയത്തൂർ കൃഷിഭവനിലെ ഉദ്യോഗസ്ഥരുമുണ്ട്. വിളവെടുപ്പിന് കൂടയത്തൂർ കൃഷിഭവനിലെ അസിസ്റ്റൻ്റ് കൃഷി ഓഫീസർ സാബു പി എസ്, കൃഷി അസിസ്റ്റൻ്റ് റസിയ ടി എസ് എന്നിവർ പങ്കെടുത്തു.
