പാമ്പാടി : ചേന്നംപള്ളിൽ ഐശ്വര്യ ഗന്ധർവ്വ സ്വാമി ക്ഷേത്രത്തിലെ ഉത്സവവും, സർപ്പപൂജയും ഒക്ടോ. 23ന് നടക്കും. അഷ്ടദ്രവ്യ ഗണപതിഹോമം, കലശം, പ്രസാദമൂട്ട്, ദീപാരാധന, ഭജന, ഭഗവതിസേവ തുടങ്ങിയവയാണ് പ്രധാന പരിപാടികൾ.
ബുധനാഴ്ച രാവിലെ 6.30ന് അഷ്ടദ്രവ്യ മഹാഗണപിഹോമം, 10ന് കലശപൂജയും കലശാഭിഷേകവും നടക്കും. 11ന് കലശത്തോടു കൂടി സർപ്പപൂജ, വൈകുന്നേരം 6.45ന് ഭഗവതിസേവ. വിശേഷാൽ ചടങ്ങുകൾക്ക് തന്ത്രി ചീരക്കാട്ട് നാരായണൻ നമ്പൂതിരി, പുതുക്കുളം ഏണാട്ടില്ലത്ത് വാസുദേവൻ നമ്പൂതിരി, ക്ഷേത്രം മേൽശാന്തി പുതുശേരി ഇല്ലം ശ്രീക്കുട്ടൻ നമ്പൂതിരി തുടങ്ങിയവർ മുഖ്യകാർമ്മികത്വം വഹിക്കും.
ഉച്ചയ്ക്ക് 12ന് ചേന്നംപള്ളിൽ ടെമ്പിൾ ആന്റ് ഫാമിലി വെൽഫയർ സൊസൈറ്റി വാർഷിക പാതുയോഗവും ഭാരവാഹികളുടെ തെരഞ്ഞെടുപ്പും നടക്കും. പ്രസിഡന്റ് സി. എൻ വിശ്വമോഹനൻ നായർ അദ്ധ്യക്ഷനാകും. സെക്രട്ടറി കെ എസ് ജെ പണിക്കർ പ്രവർത്തന റിപ്പോർട്ട് അവതരിപ്പിക്കും. മത്സര പരീക്ഷകളിൽ ഉന്നതവിജയം നേടിയ കുട്ടികൾക്ക് അനുമോദനവും, വിവിധ മേഖലകളിൽ പ്രാഗത്ഭ്യം തെളിയിച്ചവർക്ക് ആദരവും നൽകും.
