തിരുവനന്തപുരം : സംസ്ഥാനത്ത് സിപിഎമ്മിന് സ്ഥാനാർത്ഥികളെ കിട്ടാൻ വലിയ പാടായെന്ന് കോൺഗ്രസ് നേതാവ് കെ മുരളീധരൻ്റെ പരിഹാസം. ചിഹ്നം പുറത്തെടുത്താൽ ജയിക്കില്ലെന്ന പേടിയാണ് സിപിഎമ്മിനെന്നും അദ്ദേഹം പറഞ്ഞു.
പാർട്ടിയിൽ ആളുകൾ വരികയും പോവുകയും ചെയ്യും. എന്നാൽ പ്രസ്ഥാനം മുന്നോട്ട് തന്നെ പോകും. ഈ തിരഞ്ഞെടുപ്പിലെ ചർച്ചാകേന്ദ്രം സരിനല്ല. കോൺഗ്രസിന്റെ സ്ഥാനാർത്ഥിയെ ജയിപ്പിക്കുകയാണ് കോൺഗ്രസിന്റെ ലക്ഷ്യം.
എൽഡിഎഫ് സ്ഥാനാർത്ഥി എന്ത് പറയുന്നുവെന്നത് കോൺഗ്രസിന്റെ വിഷയമല്ല. സിപിഎമ്മിന് സ്ഥാനാർത്ഥികളെ കിട്ടാൻ പാടായി. പാർട്ടി സഖാക്കൾ തന്നെ പാർട്ടിയെ കുളംതോണ്ടുന്നതിന് ഉദാഹരണമാണ് പി.പി ദിവ്യയെന്നും അദ്ദേഹം വിമർശിച്ചു.
