ഡിസിസി പ്രസിഡൻ്റുമാർക്കായി സംഘടിപ്പിച്ച പരിശീലന ക്യാമ്പിൽ വൈകിയെത്തിയതിന് കോൺഗ്രസ് നേതാവ് രാഹുൽ ഗാന്ധിക്ക് ശിക്ഷ. ക്യാമ്പ് മേധാവി സച്ചിൻ റാവുവിൻ്റെ നിർദ്ദേശപ്രകാരം രാഹുൽ ഗാന്ധി പത്ത് പുഷ് അപ്പുകൾ ചെയ്തു. ക്യാമ്പിൽ സമയനിഷ്ഠ പാലിക്കേണ്ടതിൻ്റെ പ്രാധാന്യം അടിവരയിടുന്നതിനാണ് ഈ നടപടി സ്വീകരിച്ചത്.
ഞായറാഴ്ച വൈകിട്ട് നടന്ന പരിശീലന സെഷനിൽ നിശ്ചയിച്ച സമയത്തേക്കാൾ ഏകദേശം 20 മിനിറ്റ് വൈകിയാണ് രാഹുൽ ഗാന്ധി ക്യാമ്പിലെത്തിയത്. ക്യാമ്പ് മേധാവിയുടെ മുൻ നിർദ്ദേശം അനുസരിച്ച്, ക്യാമ്പിൽ വൈകിയെത്തുന്നവർക്ക് ശിക്ഷ ലഭിക്കുമെന്ന നിബന്ധന രാഹുൽ ഗാന്ധിക്കും ബാധകമായി. ശിക്ഷയെക്കുറിച്ച് രാഹുൽ ഗാന്ധി ചോദിച്ചപ്പോൾ, ക്യാമ്പ് മേധാവി സച്ചിൻ റാവു അദ്ദേഹത്തോട് പത്ത് പുഷ് അപ്പുകൾ ചെയ്യാൻ ആവശ്യപ്പെട്ടു.
വേദിയിൽ തൻ്റെ ഇരിപ്പിടത്തിൽ ഇരിക്കുന്നതിന് മുമ്പ് തന്നെ, രാഹുൽ ഗാന്ധി ക്യാമ്പ് മേധാവിയുടെ നിർദ്ദേശം അനുസരിക്കുകയും ക്യാമ്പിലെത്തിയ മറ്റ് പ്രതിനിധികൾക്ക് മുന്നിൽ 10 പുഷ് അപ്പുകൾ പൂർത്തിയാക്കുകയും ചെയ്തു. ഇത് കണ്ട മറ്റ് പ്രതിനിധികൾ നിറഞ്ഞ കരഘോഷത്തോടെയാണ് പ്രതികരിച്ചത്.
സ്കൂളിൽ താമസിച്ച് എത്തുന്ന പയ്യനെ പോലെ…എല്ലാവർക്കും കൈ കൊടുത്ത് വേദിയിൽ കയറിയതും എട്ടിന്റെ പണി…രാഹുൽ ഗാന്ധിക്ക് കിട്ടിയ ശിക്ഷ…
