തിരുവനന്തപുരം: സിനിമ മേഖലയ്ക്കുള്ള സമഗ്ര സംഭാവനയ്ക്കുള്ള രാജ്യത്തിന്റെ പരമോന്നത ബഹുമതിയായ ദാദാസാഹേബ് ഫാല്ക്കെ പുരസ്കാരം നേടിയ നടന് മോഹന്ലാലിനെ സംസ്ഥാന സര്ക്കാര് ആദരിക്കുന്ന ചടങ്ങ് ഇന്ന്.
വൈകുന്നേരം അഞ്ചിന് സെന്ട്രല് സ്റ്റേഡിയത്തില് വച്ച് നടക്കന്ന ‘മലയാളം വാനോളം, ലാല്സലാം’ എന്ന ചടങ്ങില് മുഖ്യമന്ത്രി പിണറായി വിജയന് സര്ക്കാരിന് വേണ്ടി മോഹന്ലാലിനെ ആദരിക്കും. ഇന്ത്യന് ചലച്ചിത്രരംഗത്തെ പ്രമുഖര് ചടങ്ങില് അതിഥികളായി എത്തും. ചടങ്ങില് പൊതുജനങ്ങള്ക്ക് പ്രവേശനം ഉണ്ടാകും.
മന്ത്രി വി. ശിവന്കുട്ടി അധ്യക്ഷനാകുന്ന ഉദ്ഘാടച്ചടങ്ങില് മന്ത്രിമാരായ സജി ചെറിയാന്, കെ എന് ബാലഗോപാല്, ജി ആര് അനില്, പ്രതിപക്ഷ നേതാവ് വി ഡി സതീശന്, എംപിമാരായ ശശി തരൂര്, അടൂര് പ്രകാശ്, എ എ റഹീം, ജോണ് ബ്രിട്ടാസ് എംപി, ആന്റണി രാജു എംഎല്എ, മേയര് ആര്യ രാജേന്ദ്രന്, ജില്ല പഞ്ചായത്ത് പ്രസിഡന്റ് ഡി. സുരേഷ് കുമാര്, അടൂര് ഗോപാലകൃഷ്ണന്, ജോഷി, ഉര്വ്വശി, മീന, മീര ജാസ്മിന്, രഞ്ജിനി, കെ. മധു (ചെയര്പേഴ്സന്, കേരള സംസ്ഥാന ചലച്ചിത്ര വികസന കോര്പ്പറേഷന്), പ്രേംകുമാര് (ചെയര്പേഴ്സന്, കേരള സംസ്ഥാന ചലച്ചിത്ര അക്കാദമി), കെ. മധുപാല് (ചെയര്പേഴ്സന്, കേരള സംസ്ഥാന സാംസ്കാരിക പ്രവര്ത്തക ക്ഷേമനിധി ബോര്ഡ്), പ്രിയദര്ശനന് പി.എസ്. (മാനേജിങ് ഡയറക്ടര്, കേരള സംസ്ഥാന ചലച്ചിത്ര വികസന കോര്പ്പറേഷന്), സി. അജോയ് (സെക്രട്ടറി, കേരള സംസ്ഥാന ചലച്ചിത്ര അക്കാദമി) തുടങ്ങിയവര് പങ്കെടുക്കും
