കേന്ദ്ര സർക്കാർ താമസിയാതെ പാർലമെന്റിൽ അവതരിപ്പിക്കാനുദ്ദേശിക്കുന്ന എഫസിആർഎ ഭേദഗതി ബിൽ ഏറെ ചർച്ച ചെയ്യപ്പെടുന്നത് കേരളത്തിലാ ണല്ലോ. ബിൽ എന്താണ്? എന്തിനു വേണ്ടി എന്നൊന്നും അന്വേഷിക്കാതെയാണ് പലരും എതിർപ്പ് ഉന്നയിക്കുന്നത്. കാരണം, വിദേശ ഫണ്ട് വിവിധ തലങ്ങളിൽ വൻതോതിൽ ചെലവഴിക്കപ്പെടുന്ന സംസ്ഥാനങ്ങളിലൊന്നാണ് കേരളം. മറ്റുള്ളവരേക്കാളും ക്രിസ്ത്യൻ, മുസ്ലിം എൻജിഒ കളാണ് ഇത് കൂടുതലായും വിനിയോഗിക്കുന്നത്. കേന്ദ്രത്തിന്റെ നീക്കം ഇവരുടെ ഫണ്ട് ക്രയവിക്രയങ്ങൾക്ക് നിയന്ത്രണം ഉണ്ടാക്കുമോയെന്ന ആശങ്കകളാണ് കണ്ണടച്ചുള്ള ഇവരുടെ എതിർപ്പുകൾക്ക് പിന്നിൽ.
വിദേശ ഫണ്ട് സുതാര്യമായ നിലയിൽ ചെലവഴിക്കുന്ന ആർക്കും എഫ്സിആർഎ ഭേദഗതിയിൽ ഭയപ്പെടേണ്ടതില്ലെന്ന് കേന്ദ്ര സർക്കാർ ഇതിനകം ആവർത്തിച്ചു വ്യക്തമാകിയിട്ടുണ്ട്.
വിദേശ രാജ്യങ്ങളിൽ നിന്നും എൻ ജി ഒ കൾ വഴി ലഭിക്കുന്ന വൻ തോതിലുള്ള പണം രാജ്യത്തിന്റെ പൊതു താത്പര്യങ്ങൾക്ക് വിരുദ്ധമായുള്ള പ്രവർത്തനങ്ങൾക്ക് ചിലരെങ്കിലും ഉപയോഗപ്പെടുത്തുന്നുവെന്നുള്ള രഹസ്യാന്വേഷണ ഏജൻസികളുടെ കണ്ടെത്തലിനെ തുടർന്നാണ് കേന്ദ്ര സർക്കാർ എഫ്സിആർഎ ഭേദഗതിക്ക് ഇപ്പോൾ നിർബന്ധിതമായിരിക്കുന്നത്.
രാജ്യവിരുദ്ധ പ്രവർത്തനങ്ങൾ, നിർബന്ധിത മതപരിവർത്തനം, ആസൂത്രിത സംഘർഷങ്ങൾ തുടങ്ങി പണം ദുരുപയോഗം ചെയ്യപ്പെടുന്നതായും കേന്ദ്ര സർക്കാരിന് വ്യക്തമായ വിവരങ്ങളാണ് ലഭ്യമായിട്ടുള്ളത്. രാജ്യത്തിന്റെ സമ്പദ്വ്യവസ്ഥ ഭദ്രമാക്കി വികസന പ്രവർത്തനങ്ങൾ ത്വരിതഗതിയിൽ മുന്നോട്ടു കൊണ്ടുപോകാനുള്ള ശ്രമങ്ങൾക്ക് വിലങ്ങുതടി സൃഷ്ടിക്കുന്നതിനും, ഭീകരവാദവുമായി ബന്ധപ്പെട്ട പ്രവർത്തനങ്ങളെ സഹായിക്കുന്നതിനും പണം ചെലവിഴിക്കപ്പെടുന്നതായും വ്യക്തമായ സൂചനകൾ സർക്കാരിന് ലഭലച്ചിട്ടുണ്ട്.
ഇതിന് പുറമെ ദുർബല വിഭാഗങ്ങളെ ലക്ഷ്യമിട്ടുള്ള ആസൂത്രിത മതപരിവർത്തനങ്ങൾക്ക് പണം നൽകുന്നതിനും വിദേശ ഫണ്ട് ഉപയോഗിക്കുന്നതായി വിവിധ അന്വേഷണ ഏജൻസികൾ തെളിവുകൾ കണ്ടെത്തി. ഇത് രാജ്യത്തിന്റെ അടിസ്ഥാനമേഖലയിൽ കാര്യമായ അരക്ഷിതാവസ്ഥ ഉണ്ടാക്കാനുള്ള സാധ്യതകൾ മുൻകൂട്ടി കണ്ടാണ് സർക്കാർ എഫ്സിആർഎ ഭേദഗതി ബിൽ, 2026 കൊണ്ടുവരുന്നത്.
എഫ്സിആർഎ ഭേദഗതി അനിവാര്യമാണെന്ന് അറിയാമായിരുന്നിട്ടും വിദേശഫണ്ട് സ്വീകരിക്കുന്ന ന്യൂനപക്ഷ മത സംഘടനകൾക്കിടയിൽ അശാന്തി സൃഷ്ടിച്ച് കേന്ദ്ര സർക്കാരിനെതിരെ പ്രതിഷേധം സൃഷ്ടിച്ച് രാഷ്ട്രീയ നേട്ടം കൊയ്യാനുള്ള ശ്രമമാണ് കോൺഗ്രസിന്റെ നേതൃത്വത്തിലുള്ള പ്രതിപക്ഷം നടത്തുന്നത്. ഇത് രാജ്യത്തിന്റെ മൊത്തത്തിലുള്ള വികസനത്തെ പിന്നോട്ടടിക്കുവാനുള്ള ആസൂത്രിത നീക്കത്തിന്റെ കൂടി ഭാഗമാണെന്ന് വ്യക്തമാണ്.
എഫ്സിആർഎ ഭേദഗതി ബിൽ-2026 ന്റെ ലക്ഷ്യം
2019നും 2022നും ഇടയിൽ, 13,500ലധികം സംഘടനകൾക്ക് 55,741 കോടി രൂപയുടെ വിദേശ സംഭാവനകളാണ് ലഭിച്ചത്. രാജ്യത്തേക്ക് എത്തുന്ന വിദേശ ഫണ്ടുകൾ സുതാര്യവും ഇന്ത്യൻ നിയമങ്ങൾക്ക് അനുസൃതവുമാണെന്ന് ഉറപ്പാക്കുവാനുള്ള ഉത്തരവാദത്വം കേന്ദ്ര സർക്കാരിനുള്ളതാണ്. രാജ്യത്തിന്റെ താൽപ്പര്യങ്ങൾക്ക് ഹാനികരമാകുന്ന രീതിയിൽ വിദേശ ഫണ്ട് ദുരുപയോഗം ചെയ്യപ്പെടുന്നില്ലെന്ന് ഉറപ്പുവരുത്തുന്നതിലൂടെ സർക്കാർ ഉത്തരവാദിത്തം ശക്തിപ്പെടുത്താനാണ് എഫ്സിആർഎ ഭേദഗതി ബിൽ-2026 ലക്ഷ്യമിടുന്നത്.
വിദേശഫണ്ട് ലഭിച്ചുവരുന്ന ഒരു സംഘടനയുടെ എഫ്സിആർഎ രജിസ്ട്രേഷൻ റദ്ദാക്കപ്പെടുകയോ, അവരത് സ്വമേധയാ ഉപേക്ഷിക്കുകയോ, അല്ലെങ്കിൽ കാലാവധി തീരുകയോ ചെയ്യുമ്പോൾ, വിദേശ ഫണ്ട് ഉപയോഗിച്ച് വാങ്ങിയ ആസ്തികളുടെ താൽക്കാലിക നിയന്ത്രണം ഏറ്റെടുക്കുന്നതിനായി ഒരു പ്രത്യേക അധികാരിയെ നിയമിക്കാൻ ഈ ബിൽ വ്യവസ്ഥ ചെയ്യുന്നു. അധികൃതർ നടപടിയെടുക്കുമെന്ന് വരുമ്പോൾ മുൻകാലങ്ങളിൽ ചില സംഘടനകൾ ആസ്തികൾ കൈമാറുകയോ വിനിയോഗിക്കുകയോ ചെയ്തിരുന്നു. താൽക്കാലിക നിയന്ത്രണം വരുന്നതോടെ ഈ പഴുത് അടയ്ക്കപ്പെടും.
കാലാവധി കഴിഞ്ഞ എഫ്സിആർഎ രജിസ്ട്രേഷനുകളെ റദ്ദാക്കപ്പെട്ടവയായിത്തന്നെ കണക്കാക്കുന്നതിലൂടെ, ‘കാലാവധി തീർന്നാലും ആസ്തി കൈവശം വെക്കാം’ എന്ന നിലവിലുണ്ടായിരുന്ന പഴുത് ഈ ബിൽ ഇല്ലാതാക്കുന്നു. ഇതുവഴി വിദേശഫണ്ട് ഉപയോഗിച്ചുള്ള ആസ്തികൾ അനിശ്ചിതകാലത്തേക്ക് കൈവശം വെക്കാനോ ഉപയോഗിക്കാനോ സംഘടനകൾക്ക് കഴിയാതെ വരും. കൂടാതെ, വിദേശ ഫണ്ടുകളുടെ വിനിയോഗത്തിൽ പ്രധാന ഭാരവാഹികളെ വ്യക്തിപരമായി ഉത്തരവാദികളാക്കുന്നതിലൂടെ, നിയമപാലനത്തിൽ കൂടുതൽ ഉത്തരവാദിത്തവും സുതാര്യതയും ഉറപ്പാക്കപ്പെടുകയും ചെയ്യുന്നു. ഇതാണ് ചില സംഘടനകൾ കേന്ദ്ര സർക്കാരിനെതിനെതിരെ രംഗത്തുവരാനുള്ള കാരണം.
മതപരിവർത്തനത്തിന് വിദേശഫണ്ട് ഉപയോഗിക്കുന്നത് നിരോധിക്കുന്നു
മതപരിവർത്തനത്തിനായി വിദേശഫണ്ട് ഉപയോഗിക്കുന്നത് ഈ ബിൽ പൂർണ്ണമായും നിരോധിക്കുന്നു. അതേസമയം, ദൈവശാസ്ത്രപരമായ വിദ്യാഭ്യാസം, പ്രഭാഷണങ്ങൾ, ധ്യാനങ്ങൾ, തദ്ദേശീയ വിശ്വാസങ്ങളുടെ സംരക്ഷണം തുടങ്ങിയ മതപരമായ പ്രവർത്തനങ്ങൾക്കുള്ള ധനസഹായം ഇത് അനുവദിക്കുകയും ചെയ്യുന്നുണ്ട്. ഈ നിയമപ്രകാരം ഏറ്റെടുക്കുന്ന ആരാധനാലയങ്ങളുടെ മതപരമായ സ്വഭാവം സംരക്ഷിക്കപ്പെടണമെന്നും ഇത് അനുശാസിക്കുന്നു.
തീവ്രസംഘടനകൾ ദുരുപയോഗം ചെയ്യുന്നു
കമ്മ്യൂണിസ്റ്റ്/ഇടതുപക്ഷ വിഭാഗങ്ങൾ, തീവ്ര ഇസ്ലാമിക ഗ്രൂപ്പുകൾ, മിഷനറിമാർ എന്നിങ്ങനെ മൂന്ന് വ്യത്യസ്ത ആശയധാരയിലുള്ള ശൃംഖലകൾ വിദേശ ഫണ്ട് ലഭിക്കുന്ന എൻ.ജി.ഒ (ചഏഛ) സംവിധാനങ്ങളുമായി ബന്ധപ്പെട്ട് പ്രവർത്തിക്കുന്നതായി രഹസ്യാന്വേഷണ റിപ്പോർട്ടുകൾ കണ്ടെത്തിയിട്ടുണ്ട്. ഇവരുടെ ലക്ഷ്യങ്ങൾ വ്യത്യസ്തമായിരിക്കാമെങ്കിലും, വികസനപ്രവർത്തനങ്ങളെ തടസ്സപ്പെടുത്തുക, സാമൂഹിക ഐക്യം ദുർബലപ്പെടുത്തുക, സ്ഥാപനപരമായ സ്ഥിരതയെ അട്ടിമറിക്കുക എന്നിവയ്ക്ക് ഇവരുടെ പ്രവർത്തനങ്ങൾ കൂട്ടായി കാരണമാകുന്നുവെന്ന് ഈ റിപ്പോർട്ടുകൾ ചൂണ്ടിക്കാട്ടുന്നു.
വിദേശ ധനസഹായം ലഭിക്കുന്ന ചില സംഘടനകൾ പരിസ്ഥിതി സംരക്ഷണ പ്രവർത്തനങ്ങളുടെ മറവിൽ പ്രധാനപ്പെട്ട അടിസ്ഥാന സൗകര്യ ഊർജ്ജ പദ്ധതികളെ എതിർക്കുകയും, തീവ്രവാദത്തെയും ഭീകരവാദത്തിനുള്ള സാമ്പത്തിക സഹായത്തെയും പ്രോത്സാഹിപ്പിക്കുകയും, രാജ്യത്തിന്റെ ജനസംഖ്യാ ഘടനയെയും വികസനത്തെയും ബാധിച്ചേക്കാവുന്ന രീതിയിൽ ദുർബല വിഭാഗങ്ങൾക്കിടയിൽ മതപരിവർത്തനം നടത്തുന്നതായും രഹസ്യാന്വേഷണ റിപ്പോർട്ടുകൾ സൂചിപ്പിക്കുന്നു. 2026ലെ എഫ്സിആർഎ ഭേദഗതി ബിൽ, ഇത്തരം പ്രവർത്തനങ്ങൾക്ക് വിദേശഫണ്ട് ദുരുപയോഗം ചെയ്യുന്നത് ശക്തമാക്കാൻ ഇടയാക്കും.
അതേസമയം, കർശനമായ എഫ്സിആർഎ നിയന്ത്രണങ്ങളെ വ്യത്യസ്ത പ്രത്യയശാസ്ത്ര പശ്ചാത്തലമുള്ള സംഘടനകൾ സംയുക്തമായി എതിർത്തിട്ടുണ്ടെന്നും ബില്ലിനെ അനുകൂലിക്കുന്നവർ ചൂണ്ടിക്കാട്ടുന്നു. ഇന്ത്യയിൽ പ്രവർത്തിക്കുന്ന സംഘടനകൾക്ക് ലഭിക്കുന്ന വിദേശ ഫണ്ടിന്റെ വിനിയോഗത്തിൽ സുതാര്യതയും ഉത്തരവാദിത്തവും ഉറപ്പാക്കുകയാണ് കർശനമായ മേൽനോട്ടത്തിലൂടെ സർക്കാർ ലക്ഷ്യമിടുന്നതെന്ന് അവർ വാദിക്കുന്നു.
ഫണ്ട് കൈമാറ്റം, ചട്ടങ്ങൾ പാലിക്കുന്നതിലെ വീഴ്ചകൾ, ഇന്ത്യയുടെ സാമ്പത്തിക താൽപ്പര്യങ്ങൾക്ക് ഹാനികരമെന്ന് വിലയിരുത്തപ്പെട്ട പ്രചാരണങ്ങൾ എന്നിവയുൾപ്പെടെയുള്ള ലംഘനങ്ങൾ ചൂണ്ടിക്കാട്ടി അധികൃതർ ഗ്രീൻപീസ് ഇന്ത്യയുടെ എഫ്സിആർഎ രജിസ്ട്രേഷൻ റദ്ദാക്കി. വിദേശ ഫണ്ട് ഇന്ത്യൻ നിയമങ്ങൾക്കനുസൃതമായി മാത്രമേ ഉപയോഗിക്കുന്നുള്ളുവെന്ന് ഉറപ്പാക്കാൻ കർശനമായ മേൽനോട്ടം ആവശ്യമാണെന്ന് ഈ സംഭവം വ്യക്തമാക്കുന്നുവെന്ന് ബില്ലിനെ അനുകൂലിക്കുന്നവർ വാദിക്കുന്നു.
എഫ്സിആർഎ നിയന്ത്രണം മറികടക്കാൻ നീക്കം
എഫ്സിആർഎ നിയന്ത്രണങ്ങൾ മറികടക്കുന്നതിനായി ചില നീക്കങ്ങളും നടന്നു. ആംനസ്റ്റി ഇന്റർനാഷണൽ യുകെ വഴി നേരിട്ടുള്ള വിദേശ നിക്ഷേപം (എഉക), ‘കൺസൾട്ടൻസി ഫീസ്’ എന്നീ ഇനങ്ങളിൽ 36 കോടി രൂപ എത്തിക്കുന്നതിനായി ഇന്ത്യയിൽ ഒരു കോർപ്പറേറ്റ് ഘടന തന്നെ രൂപീകരിച്ചു. ഇത് എഫ്സിആർഎ ലംഘനമാണെന്ന് കണ്ടെത്തിയതിനെ തുടർന്ന് സിബിഐ വിവിധ സ്ഥാപനങ്ങൾക്കെതിരെ കേസെടുത്തു. 2016-ലെ ജെഎൻയു പ്രതിഷേധത്തിനിടെ രാജ്യദ്രോഹക്കുറ്റത്തിനും ഇവർക്കെതിരെ കേസെടുത്തിരുന്നു.
അതുപോലെ, വിദേശ ഫണ്ട് ദുരുപയോഗം ചെയ്തെന്ന ആരോപണത്തിന് ഉദാഹരണമായി ‘ലോയേഴ്സ് കളക്ടീവ്’ (ഘമം്യലൃ െഇീഹഹലരശേ്ല) കേസും ഈ ബില്ലിനെ അനുകൂലിക്കുന്നവർ ചൂണ്ടിക്കാട്ടുന്നു. വിദേശ സംഭാവനകൾ സ്വീകരിക്കുന്ന സംഘടനകൾക്ക് കർശനമായ നിയന്ത്രണങ്ങളും ഉത്തരവാദിത്ത വ്യവസ്ഥകളും ആവശ്യമാണെന്ന് വാദിച്ചുകൊണ്ട്, എഫ്.സി.ആർ.എ ചട്ടങ്ങൾ ലംഘിച്ചുവെന്നാരോപിച്ച് ഈ സംഘടനയ്ക്കെതിരെയും സി.ബി.ഐ. കേസ് രജിസ്റ്റർ ചെയ്തിരുന്നു.
2022ൽ നിരോധിക്കപ്പെട്ട പി.എഫ്.ഐ. 13,000ത്തിലധികം വിദേശ പ്രവർത്തകരെ ഉപയോഗിച്ച് പ്രവർത്തിക്കുകയും 62 കോടി രൂപയിലധികം കള്ളപ്പണം വെളുപ്പിക്കുകയും ചെയ്തിരുന്നു. പള്ളികൾ, മദ്രസകൾ, പെൺകുട്ടികളുടെ വിദ്യാഭ്യാസം എന്നിവയ്ക്കായി സമാഹരിച്ച പണം തീവ്രവൽക്കരണം, ആയുധ പരിശീലനം, ഭീകരവാദത്തിനുള്ള ധനസഹായം എന്നിവയ്ക്കായി വകമാറ്റി ചെലവഴിച്ചു. നിരോധനത്തിന് ശേഷം, ഇതേ ശൃംഖല എസ്.ഡി.പി.ഐ. എന്ന പേരിൽ പുനഃസംഘടിപ്പിക്കപ്പെടുകയും വിദേശ ഫണ്ട് സ്വീകരിക്കുന്നത് തുടരുകയും ചെയ്തു.
ചൈനീസ് സർക്കാരുമായി ബന്ധമുണ്ടെന്ന് ആരോപിക്കപ്പെടുന്ന സ്ഥാപനങ്ങളിൽ നിന്നുള്ള ധനസഹായം ഉൾപ്പെടെ, ചട്ടങ്ങൾ പാലിക്കുന്നതിലെ വീഴ്ചകളും ദേശീയ സുരക്ഷയുമായി ബന്ധപ്പെട്ട ആശങ്കകളും ചൂണ്ടിക്കാട്ടി രാജീവ് ഗാന്ധി ഫൗണ്ടേഷന്റെ എഫ്സിആർഎ രജിസ്ട്രേഷൻ സസ്പെൻഡ് ചെയ്തിരുന്നു. വിദേശ ധനസഹായത്തിന്മേൽ ശക്തമായ മേൽനോട്ടം ഏർപ്പെടുത്തേണ്ടതിന്റെ ആവശ്യകത തെളിയിക്കുന്നതിനായി, ഈ കേസിനെയും മറ്റ് പല എൻജിഒ കൾക്കുമെതിരായ നടപടികളെയും ബില്ലിനെ അനുകൂലിക്കുന്നവർ ഉദാഹരണമായി ചൂണ്ടിക്കാട്ടുന്നു.
വിദേശ ധനസഹായത്തിന്റെ പേരിൽ പരിശോധന നേരിടുന്ന എസ്ഡിപിഐ, ഇടതുപക്ഷ ലിബറൽ ആശയഗതിയിലുള്ള എൻജിഒ കൾ, സഭയുമായി ബന്ധപ്പെട്ട സംഘടനകൾ എന്നിവ നിർദ്ദിഷ്ട ഭേദഗതികളെ എതിർത്തിട്ടുണ്ട്. വിദേശ സംഭാവനകളുടെ കാര്യത്തിൽ സുതാര്യതയും ഉത്തരവാദിത്തവും മേൽനോട്ടവും ശക്തിപ്പെടുത്താനാണ് ഈ നിയമനിർമ്മാണം ലക്ഷ്യമിടുന്നതെന്നും, ദേശീയ താൽപ്പര്യങ്ങൾ സംരക്ഷിക്കുന്നതിന് ഇത് പാസാക്കേണ്ടത് അനിവാര്യമാണെന്നും ബില്ലിനെ അനുകൂലിക്കുന്നവർ വാദിക്കുന്നു.
എഫ്സിആർഎ ഭേദഗതി ബിൽ-2026 ഒരു ലളിതമായ തത്വത്തെ അടിസ്ഥാനമാക്കിയുള്ളതാണ്. പക്ഷേ, അതിനെക്കുറിച്ച് അറിയാൻ പോലും ശ്രമിക്കാതെയാണ് പലരും എതിർപ്പുമായി രംഗത്തെത്തിയിട്ടുള്ളത്. ഇന്ത്യയിലേക്ക് എത്തുന്ന വിദേശ ഫണ്ടുകൾ സുതാര്യവും ഉത്തരവാദിത്തമുള്ളതും ഇന്ത്യൻ നിയമങ്ങൾക്ക് അനുസൃതവുമായിരിക്കണം. വികസന മുൻഗണനകൾ, സാമൂഹിക ഐക്യം, ദേശീയ സുരക്ഷ എന്നിവ സംരക്ഷിക്കുന്നതിനായി വിദേശ സ്വാധീനത്തെ നിയന്ത്രിക്കാൻ, ഏതൊരു പരമാധികാര ജനാധിപത്യ രാജ്യത്തെയും പോലെ ഇന്ത്യയ്ക്കും അവകാശമുണ്ടെന്ന് ബില്ലിനെ അനുകൂലിക്കുന്നവർ വ്യക്തമാക്കുന്നു.
