കൊച്ചി: നികുതി ഘടന രണ്ടു സ്ലാബ് മാത്രമായി വെട്ടിക്കുറച്ച് നടപ്പാക്കിയ ജിഎസ്ടി പരിഷ്കരണം പ്രാബല്യത്തില് വരുന്നതോടെ, മലയാളിയുടെ ഇഷ്ടവിഭവമായ പഴംപൊരിയുടെ വില കുറയും. സംസ്ഥാനത്തെ ബേക്കറികളിലെ പലഹാരങ്ങൾക്ക് വിലയില് പത്തുശതമാനത്തിന്റെ കുറവ് ഉണ്ടാകാന് സാധ്യതയുണ്ട്.
റെസ്റ്റോറൻ്ററുകളിലും മറ്റും പഴംപൊരി, വട, അട, കൊഴുക്കട്ട തുടങ്ങിയ ലഘുഭക്ഷണങ്ങള്ക്ക് നേരത്തെ ചുമത്തിയിരുന്നത് 18 ശതമാനം ജിഎസ്ടി ആയിരുന്നു. കഴിഞ്ഞ ജിഎസ്ടി കൗണ്സില് യോഗത്തിലാണ് ഇവയുടെ നികുതി അഞ്ചു ശതമാനം സ്ലാബിലേക്ക് മാറ്റാന് തീരുമാനിച്ചത്. മുമ്പ് 12 ശതമാനം സ്ലാബില് ഉണ്ടായിരുന്ന മിക്സ്ചര്, വേഫറുകള് തുടങ്ങിയ ഉല്പ്പന്നങ്ങളുടെയും വില കുറയും. ഇവയെയും അഞ്ചു ശതമാനം സ്ലാബിലേക്ക് മാറ്റിയിട്ടുണ്ട്.
ചെലവ് ഘടന യുക്തിസഹമാക്കിയ ശേഷം സംസ്ഥാനത്തെ ബേക്കറികള് ഏഴു ശതമാനം മുതല് പത്തുശമാനം വരെ വില കുറയ്ക്കുമെന്ന സൂചനകളാണ് പുറത്ത് വരുന്ന വിവരം.
