തിരുവനന്തപുരം : യൂത്ത് കോണ്ഗ്രസ് മുന് സംസ്ഥാന അധ്യക്ഷന് രാഹുല് മാങ്കൂട്ടത്തില് എംഎല്എ പ്രതിയാണെന്ന റിപ്പോര്ട്ട് നാല് മണി വരെ ലഭിച്ചിട്ടില്ലെന്ന് സ്പീക്കര് എ എന് ഷംസീര്. സഭയില് വരാൻ നിലവില് രാഹുലിന് തടസ്സങ്ങള് ഇല്ലെന്നും സ്പീക്കര് വ്യക്തമാക്കി.
അംഗങ്ങള്ക്ക് സഭയില് വരാന് ഒരു തടസ്സവുമില്ലെന്നും അദ്ദേഹം പറഞ്ഞു. നിലവിലെ ആരോപണങ്ങളുടെ പശ്ചാത്തലത്തിൽ പ്രതിഷേധം ഉണ്ടാകുമോ എന്ന കാര്യം തനിക്ക് പറയാന് കഴിയില്ലെന്നും അദ്ദേഹം പറഞ്ഞു.
രാഹുല് മാങ്കൂട്ടത്തില് എംഎല്എയ്ക്കെതിരായ ലൈംഗികാതിക്രമ കേസില് ക്രൈം ബ്രാഞ്ച് നിയമസഭാ സ്പീക്കര്ക്ക് റിപ്പോര്ട്ട് നല്കുമെന്ന് റിപ്പോര്ട്ടുകള് ഉണ്ടായിരുന്നു. രാഹുല് മാങ്കൂട്ടത്തിലിനെതിരെയുള്ള അന്വേഷണ വിവരങ്ങള് സ്പീക്കറെ അറിയിക്കുമെന്ന റിപ്പോര്ട്ടായിരുന്നു ഉണ്ടായത്.
