ചാലക്കുടി : വീട്ടിൽ മോഷ്ടിക്കാൻ കയറിയ കള്ളൻ അതേവീട്ടിൽ തന്റെ മൊബൈൽ മറന്ന് വച്ച് പിടിയിലായി. മാള താണിശേരി കൊടിയന് വീട്ടില് ജോമോനെയാണ് (37) ചാലക്കുടി പോലീസ് അറസ്റ്റ് ചെയ്തത്. കഴിഞ്ഞ ദിവസം രാവിലെ ഒരു വീട്ടിൽ മോഷ്ടിക്കാൻ കയറിയപ്പോഴാണ് ജോമോന് അബദ്ധം പറ്റിയത്. ഇയാൾക്കെതിരെ വേറെയും കേസുകളുണ്ടെന്ന് പോലീസ് പറഞ്ഞു.
തൃശ്ശൂർ നോര്ത്ത് ചാലക്കുടി ചെങ്ങിനിമറ്റം ബാബുവിന്റെ വീട്ടില് മോഷ്ടിക്കാന് കയറിയ മോഷ്ടാവ് വീട്ടുകാര് ഉണര്ന്നതിനെ തുടര്ന്ന് പെട്ടെന്ന് അവിടെ നിന്ന് ഓടി രക്ഷപ്പെടുകയായിരുന്നു. ഈ തിടുക്കത്തിൽ സ്വന്തം മൊബൈൽ ഫോണിന് പകരം വീട്ടുകാരിലൊരാളുടെ ഫോണാണ് എടുത്തുകൊണ്ട് ഓടിയത്.
വീട്ടില്നിന്നും ലഭിച്ച മോഷ്ടാവിന്റെ മൊബൈല് ഫോണ് വഴിയാണ് പിന്നീട് പോലീസ് പ്രതിയെ പിടിച്ചത്. 2010ല് ചാലക്കുടി പോലീസ് സ്റ്റേഷനില് ഇയാളുടെ പേരില് മോഷണ കേസുണ്ട്. കൂടാതെ മാള, നെടുമ്പാശേരി, ചെങ്ങമനാട്, കളമശേരി എന്നീ പോലീസ് സ്റ്റേഷനുകളിലും രജിസ്റ്റർ ചെയ്തിട്ടുള്ള മോഷണ കേസുകളിൽ ഇയാള് പ്രതിയാണെന്ന് പോലീസ് പറഞ്ഞു.
ഒരബദ്ധം പറ്റിപ്പോയതാ.. മോഷ്ടിക്കാൻ കയറിയ വീട്ടിൽ വച്ച് സ്വന്തം മൊബൈൽ എടുക്കാൻ മറന്നു…പകരം എടുത്തത് മറ്റൊന്ന്
