കോട്ടയം : മുക്കുപണ്ടം പണയം വച്ച് പണം തട്ടിയശേഷം മരണ വാർത്ത പത്രങ്ങളിൽ കൊടുത്ത് മുങ്ങിയ കേസിലെ പ്രതിയെ ഗാന്ധിനഗർ പോലീസ് അറസ്റ്റ് ചെയ്തു.
കോട്ടയം കുമാരനല്ലൂരിലുള്ള സ്വർണ്ണ പണയ സ്ഥാപനത്തിൽ മുക്കുപണ്ടം പണയം വച്ച് നാലര ലക്ഷം രൂപാ വാങ്ങിയെടുത്ത ശേഷം തമിഴ് നാട്ടിൽ ഒളിവിൽ കഴിഞ്ഞു വന്നിരുന്ന കുമാരനല്ലൂർ മയാലിൽ സജീവ് എം ആർ എന്നയാളെ തമിഴ് നാട്ടിലെ കൊടൈക്കനാലിൽ നിന്നാണ് ഗാന്ധിനഗർ പോലീസ് അറസ്റ്റു ചെയ്തത്.
തട്ടിപ്പു നടത്തിയ ശേഷം ഇയാൾ മരണപ്പെട്ടു പോയതായും ചെന്നൈയിലെ അഡയാറിൽ വച്ച് സംസ്കാരം നടത്തിയതായും സ്വന്തമായി പത്രവാർത്ത നൽകിയ ശേഷം ഒളിവിൽ കഴിയവെയാണ് പോലീസിന്റെ പിടിയിലാകുന്നത്.
ഗാന്ധിനഗർ പോലീസ് സ്റ്റേഷൻ പോലീസ് ഇൻസ്പെക്ടർ ശ്രീജിത്ത് ടി , സബ് ഇൻസ്പെക്ടർ അനുരാജ് എം എച്ച് , എസ് ഐ സത്യൻ എസ് എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ ചെന്നൈയിൽ നിന്നും അറസ്റ്റ് ചെയ്തത്.
മുക്കുപണ്ടം പണയം വച്ച് പണം തട്ടിയശേഷം മരണ വാർത്ത പത്രങ്ങളിൽ കൊടുത്ത് മുങ്ങിയ കേസിലെ പ്രതി അറസ്റ്റിൽ
