ശ്രീനഗർ : ജമ്മു കശ്മീരിലെ പഹല്ഗാമില് ഭീകരാക്രമണത്തില് 26 പേര് കൊല്ലപ്പെട്ട സംഭവത്തില് നടുങ്ങി രാജ്യം. കൊല്ലപ്പെട്ടവരില് ഒരു മലയാളിയുമുണ്ട്. എറണാകുളം ഇടപ്പള്ളി സ്വദേശി എന്. രാമചന്ദ്രനാണ് മരിച്ചത്. ചൊവ്വാഴ്ച ഉച്ചയ്ക്ക് രണ്ടരയോടെയാണ് പഹൽഗാമിൽ ആക്രമണമുണ്ടായത്. ലഷ്കറെ തൊയ്ബ അനുകൂല സംഘടനായ ദ റെസിസ്റ്റന്സ് ഫ്രണ്ട്-ടിആര്എഫ് ആക്രമണത്തിന്റെ ഉത്തരവാദിത്വം ഏറ്റെടുത്തിട്ടുണ്ട്. മരണസംഖ്യ 29 ആയതായി സ്ഥിരീകരിക്കാത്ത റിപ്പോർട്ടുകളുണ്ട്.
ഭീകരാക്രമണത്തിന്റെ പശ്ചാത്തലത്തില് ദ്വിദിന സൗദി അറേബ്യ സന്ദര്ശനം വെട്ടിച്ചുരുക്കിയ പ്രധാനമന്ത്രി നരേന്ദ്ര മോദി ബുധനാഴ്ച പുലര്ച്ചെ ഡൽഹിയിലെത്തി. ദേശീയ സുരക്ഷാ ഉപദേഷ്ടാവ് അജിത് ഡോവല്, വിദേശകാര്യ മന്ത്രി എസ്. ജയശങ്കര്, വിദേശകാര്യ സെക്രട്ടറി വിക്രം മിസ്രി തുടങ്ങിയവരുമായി വിമാനത്താവളത്തില് വെച്ച് മോദി അടിയന്തര യോഗം ചേര്ന്നു.
ബുധനാഴ്ച രാവിലെയോടെ ശ്രീനഗറിലെത്തിയ കേന്ദ്ര ആഭ്യന്തര മന്ത്രി അമിത് ഷാ സ്ഥിതിഗതികള് വിലയിരുത്തി. ഭീകരാക്രമണത്തില് കൊല്ലപ്പെട്ടവര്ക്ക് അമിത് ഷാ ആദരാജ്ഞലി അര്പ്പിച്ചു. ജമ്മു കശ്മീരിലെ ഭീകരാക്രണത്തിന് പിന്നാലെ ഡല്ഹി, മുംബൈ, ജയ്പുര്, അമൃത്സര് തുടങ്ങി വിവിധ നഗരങ്ങളില് ജാഗ്രത ശക്തമാക്കിയിട്ടുണ്ട്. എന്ഐഎ സംഘം കശ്മീരിലെത്തിയിട്ടുണ്ട്.
ഇതിനിടെ കശ്മീരിൽ ഭീകരാക്രമണം നടത്തിയ നാല് ഭീകരരുടെ രേഖിചിത്രം അന്വോഷണ സംഘം പുറത്തുവിട്ടു.
