ഭാര്യയെ കൂട്ടിക്കൊണ്ടുപോയി, യുവാവിന്റെ അമ്മയെ തലയ്ക്കടിച്ച് കൊന്നു: ഭർത്താവ് അറസ്റ്റിൽ

ആലപ്പുഴ: 64കാരിയെ യുവാവ് തലയ്ക്കടിച്ച് കൊന്നു. പുന്നപ്ര വാടയ്ക്കൽ പരേതനായ ബാബുവിന്റെ ഭാര്യ പ്രസന്ന (64)യാണ് കൊല്ലപ്പെട്ടത്. സംഭവത്തിൽ വാടയ്ക്കൽ കയറ്റുകാരൻപറമ്പിൽ സുധിയപ്പനെ (41) പുന്നപ്ര പൊലീസ് അറസ്റ്റ് ചെയ്തു.

സുധിയപ്പന്റെ ഭാര്യയെ പ്രസന്നയുടെ മകൻ വിനീസ് കൂട്ടിക്കൊണ്ടുപോയതാണ് ആക്രമണത്തിന് കാരണമായത്. ഡിസംബർ 30നു വൈകിട്ട് 4.30ന് ആണ് സംഭവമുണ്ടായത്. പ്രസന്നയുടെ വീട്ടിലെത്തിയ സുധിയപ്പൻ അമ്മയേയും മകനേയും ഇരുമ്പുവടികൊണ്ട് അടിക്കുകയായിരുന്നു.

തലയ്ക്കാണ് പ്രസന്നയ്ക്ക് പരിക്കേറ്റത്. തലയ്ക്ക് ഗുരുതര പരുക്കേറ്റ പ്രസന്ന മെഡിക്കൽ കോളജ് ആശുപത്രിയിൽ വെന്റിലേറ്ററിൽ ആയിരുന്നു. മൃതദേഹം മോർച്ചറിയിലേക്കു മാറ്റി. ഒട്ടേറെ കേസുകളിൽ പ്രതിയാണ് സുധിയപ്പൻ

Leave a Reply

Your email address will not be published. Required fields are marked *

error: Content is protected !!