മാവേലിക്കര : പോളണ്ടിൽ ജോലി വാങ്ങികൊടുക്കാമെന്ന് പറഞ്ഞു മാവേലിക്കര, തഴക്കര സ്വദേശിനിയിൽ നിന്നും പണം തട്ടിയെടുത്ത പ്രതിയാണ് പിടിയിലായത്.
തൃശ്ശൂർ ഇരിങ്ങാലക്കുട മനിശ്ശേരി കുണ്ടൂർ വീട്ടിൽ നിന്നും മാവേലിക്കര കൊറ്റാർകാവ് ഊരുകടവിൽ വീട്ടിൽ താമസിക്കുന്ന അശ്വിൻ (27) ആണ് മാവേലിക്കര പോലീസിന്റെ പിടിയിലായത്. തഴക്കര സ്വദേശിനിയുടെ മകന് പോളണ്ടിൽ ജോലി വാങ്ങി നൽകാം എന്ന് പറഞ്ഞ് വിശ്വാസിപ്പിച്ചു പണം വാങ്ങിയെടുത്ത ശേഷം ജോലി വാങ്ങി നൽകാതെ ഒളിവിൽ പോകുകയായിരുന്നു.
വാടക വീടുകളിലും, ലോഡ്ജുകളിലും മാറി മാറി ഒളിച്ചു താമസിക്കുകയായിരുന്നു. പ്രതി ഒളിവിൽ കഴിഞ്ഞ സ്ഥലങ്ങളിൽ നിന്നും കിട്ടിയ സൂചനകളിൽ നിന്നും അശ്വിൻ മാവേലിക്കര ചെട്ടികുളങ്ങര ഈരേഴ വടക്ക് ഭാഗത്ത്‌ ഒരു വാടക വീട്ടിൽ ഒളിവിൽ കഴിയുന്നതായി കണ്ടെത്തിയതിനെ തുടർന്ന് മാവേലിക്കര പോലീസ് ഇൻസ്‌പെക്ടർ സി. ശ്രീജിത്തിന്റെ നേതൃത്വത്തിലുള പോലീസ് സംഘം അറസ്റ്റ് ചെയ്യുകയായിരുന്നു.
