ആലപ്പുഴ : ഓഹരി വിപണിയിൽ നിക്ഷേപിക്കാനെന്ന പേരിൽ ചേർത്തല സ്വദേശികളായ ഡോക്ടർ ദമ്പതികളിൽ നിന്ന് ഓൺലൈനായി 7.65 കോടി തട്ടിയെടുത്ത കേസിൽ തായ്വാൻ സ്വദേശികളായ മുഖ്യപ്രതികൾ അറസ്റ്റിൽ.
അന്താരാഷ്ട്ര തലത്തിൽ സൈബർ ക്രൈം കുറ്റകൃത്യങ്ങൾ നടത്തുന്ന തായ്വാനിലെ പിങ്ചെൻ സ്വദേശികളായ വാങ് ചുൻ-വെയ് (26), ഷെൻ വെയ്-ഹോ (35) എന്നിവരെയാണ് പിടികൂടിയത്.
അന്വേഷണത്തിനിടെ സമാനകേസിൽ അഹമ്മദാബാദ് പോലീസ് അറസ്റ്റ് ചെയ്ത ചില വിദേശികളുമായി ബന്ധപ്പെട്ട് നടത്തിയ നീക്കളാണ് മുഖ്യപ്രതികളിലേക്ക് എത്തിച്ചത്.
കുറുത്തികാട് എസ് ഐ മോഹിത്തിന്‍റെയും സംഘത്തിന്‍റെയും നേതൃത്വത്തിൽ സബർമതി സെൻട്രൽ ജയിലിൽൽനിന്ന് പ്രതികളെ ട്രെയിൻമാർഗം ആലപ്പുഴയിൽ എത്തിച്ചു.
ഡോക്ടർ ദമ്പതികളായ വിനയകുമാറും ഐഷയുമാണ് ഓൺലൈൻ സാമ്പത്തിക തട്ടിപ്പിന് ഇരയായത്.
സംഭവത്തിൽ ഉൾപ്പെട്ട പ്രധാനപ്രതിയെ നേരത്തെ ക്രൈംബ്രാഞ്ച് പിടികൂടിയിരുന്നു.
7.65 കോടിയുടെ ഓൺലൈൻ തട്ടിപ്പ്: തായ് വാൻ സ്വദേശികളായ രണ്ടുപേർ അറസ്റ്റിൽ
