റോഡിലെ കെട്ടിവലിക്കലിന് മോട്ടർ വാഹന വകുപ്പിൻ്റെ വിലക്ക്

തിരുവനന്തപുരം : റോഡിൽ വാഹനം കയറും മറ്റും ഉപയോഗിച്ചു കെട്ടിവലിക്കുന്നതിനു മോട്ടർ വാഹന വകുപ്പിന്റെ കർശന വിലക്ക്

കേടാവുകയോ, അപകടത്തിൽപെടുകയോ ചെയ്യുന്ന വാഹനങ്ങൾ കെട്ടിവലിക്കുന്നതിനു പകരം റിക്കവറി വാനു കൾ ഉപയോഗിച്ചു തന്നെ നീക്കണമെന്നാണു നിർദേശം.

ആലുവയിൽ ഓട്ടോറിക്ഷകൾ കെട്ടിവലിക്കുന്നതിനിടെ കയറിൽ കുരുങ്ങി ബൈക്ക് യാത്രക്കാരനായ വിദ്യാർഥി മരിച്ചതോടെയാണു നടപടികൾ കർശനമാക്കുന്നത്. എല്ലാ ജില്ലകളിലും ഇതു സംബന്ധിച്ചു പരിശോധന നടത്തുന്നുണ്ട്.

അപകടത്തിൽപെടുന്ന ഇരുചക്രവാഹനങ്ങൾ, ഓട്ടോറിക്ഷ, കാർ തുടങ്ങിയവ ഈ രീതിയിൽ കെട്ടിവലിക്കുന്നതു പതിവാണ്. ചിലയിടങ്ങളിൽ കേടായ ഇരുചക്രവാഹനങ്ങൾ പിന്നിലെ വാഹനത്തിൽ നിന്നു ചവിട്ടിത്തള്ളിയും കൊണ്ടുപോകുന്ന പതിവുണ്ട്.