മാന്നാര് (ആലപ്പുഴ) : കാറിടിച്ച് ഗുരുതര പരുക്കേറ്റ് ആശുപത്രിയില് ചികിത്സയിലായിരുന്ന മാന്നാര് സ്വദേശി മരിച്ചു. മാന്നാര് കുരട്ടിക്കാട് മാമ്പറ്റ പടിഞ്ഞാറേതില് വേണു പി എന് എന്ന ബാബു ( 57 ) ആണ് മരിച്ചത്. ലോട്ടറി വില്പ്പനക്കാരനായ വേണുവിന് മെയ് മൂന്നാം തീയതി രാവിലെ 6.30നായിരുന്നു അപകടം സംഭവിച്ചത്.
മാന്നാര് സ്റ്റോര് ജംഗ്ഷന് വടക്കുവശം അക്ഷര ഇംഗ്ലീഷ് മീഡിയം സ്കൂളിന്റെ മുന്ഭാഗത്ത് വെച്ച് എതിര്ദിശയില് നിന്ന് വന്ന കാര് നിയന്ത്രണം വിട്ട് ഇദ്ദേഹത്തെ ഇടിക്കുകയായിരുന്നു. പരുമലയിലെ സ്വകാര്യ ആശുപത്രിയില് പ്രാഥമിക ചികിത്സ നല്കിയ ശേഷം കോട്ടയം മെഡിക്കല് കോളേജില് പ്രവേശിപ്പിച്ചു. ഇവിടെ ചികിത്സയില് കഴിയുമ്പോഴാണ് മരണം.
വാഹനാപകടത്തില് പരുക്കേറ്റ് ചികിത്സയിലായിരുന്ന മാന്നാര് സ്വദേശി മരിച്ചു
