പേരാമംഗലം : ശ്രീ ദുർഗാവിലാസം സ്കൂളിൽ 51 കുട്ടികൾക്ക് സൗജന്യമായി സൈക്കിൾ വിതരണം ചെയ്തു
കാനറാ – റബേക്കോ അസറ്റ് മാനേജ്മെൻറ് ലിമിറ്റഡ് ആണ് വിദ്യാലയത്തിലെ സമീപ പ്രദേശത്തുള്ള 51 കുട്ടികൾക്ക് സൈക്കിൾ സമ്മാനിച്ചത് . സാമൂഹിക ഉത്തരവാദിത്വത്തിൻ്റെ ഭാഗമായി വിനിയോഗിക്കാൻ അനുവദനീയമായ സി.എസ്. ആർ ഫണ്ട് ഉപയോഗിച്ചാണ് വിദ്യാലയത്തിലേക്ക് സൈക്കിൾ സമ്മാനിച്ചത്.
PTA പ്രസിഡൻ്റ് കെ. പി. രവിശങ്കർ അധ്യക്ഷത വഹിച്ച ചടങ്ങിൽ കല്യാൺ ജ്വല്ലേഴ്സ് ലിമിറ്റഡ് ഡയറക്ടർ ,ലിയോ ഫാർമ ഗ്രൂപ്പ് ഓഫ് കമ്പനികളുടെ ചെയർമാർ തൃശ്ശൂർ ചേമ്പർ ഓഫ് കോമേഴ്സ് പ്രസിഡൻ്റ് തുടങ്ങി നിരവധി ചുമതലകൾ നിർവ്വഹിച്ചു വരുന്ന പി.എസ് അനന്തരാമൻ ആദ്യ സൈക്കിൾ നൽകി ഉദ്ഘാടനം ചെയ്തു . കാനറ – റെബേക്കോ അസറ്റ് മാനേജ്മെൻ്റ് സോണൽ ഹെഡ് വെങ്കിടാചലം മുഖ്യാതിഥി ആയിരുന്നു.
സ്കൂൾ മാനേജർ എം. വി. ബാബു , പ്രിൻസിപ്പാൾ കെ. സ്മിത , എൽ പി വിഭാഗം പ്രധാനാധ്യാപകൻ കെ. കൃഷ്ണൻകുട്ടി, സുമേഷ് എന്നിവർ പങ്കെടുത്തു . പ്രധാനാധ്യാപകൻ പി. ആർ.ബാബു സ്വാഗതവും ഡെപ്യൂട്ടി ഹെഡ്മാസ്റ്റർ എം.എസ്. രാജു നന്ദിയും പറഞ്ഞു .
