തിരുവനന്തപുരം: രാജ്യത്ത് പ്രാബല്യത്തില് വന്ന പൗരത്വ ഭേദഗതി നിയമത്തിനെതിരെ സിപിഎം ബഹുജനറാലികള് സംഘടിപ്പിക്കും. സംസ്ഥാനത്ത് അഞ്ചിടങ്ങളില് നടക്കുന്ന ബഹുജന റാലികളില് മുഖ്യമന്ത്രി പിണറായി വിജയന് പങ്കെടുക്കും. ലോക്സഭാ തെരഞ്ഞെടുപ്പില് സിപിഎം സ്ഥാനാര്ത്ഥികള് മത്സരിക്കുന്ന അഞ്ച് മണ്ഡലങ്ങളിലാണ് ബഹുജനറാലികള് സംഘടിപ്പിക്കുന്നത്.
മതം പൗരത്വത്തിന് അടിസ്ഥാനമാകരുതെന്ന മുദ്രാവാക്യമുയര്ത്തിയാണ് പ്രതിഷേധം. നാളെ കോഴിക്കോട് തുടങ്ങുന്ന പരിപാടി 27 ന് കൊല്ലം മണ്ഡലത്തില് സമാപിക്കും. നാളെ കോഴിക്കോട്ടെ റാലിക്ക് ശേഷം 23 ന് കാസര്കോട് റാലി സംഘടിപ്പിക്കും. ഈ മാസം 24 ന് കണ്ണൂരിലും 25 ന് മലപ്പുറത്തും 27 ന് കൊല്ലത്തും റാലികള് നടക്കും.
മാര്ച്ച് 30 മുതല് ഏപ്രില് 22 വരെയാണ് മുഖ്യമന്ത്രിയുടെ പാര്ലമെന്റ് മണ്ഡലതല തെരഞ്ഞെടുപ്പ് പ്രചരണ പരിപാടി നിശ്ചയിച്ചിരിക്കുന്നത്. ആദ്യ പരിപാടി മാര്ച്ച് 30ന് തിരുവനന്തപുരത്ത് ആരംഭിക്കും. ഏപ്രില് 22ന് കണ്ണൂരില് അവസാനിക്കും.
ഓരോ പാര്ലമെന്റ് മണ്ഡലത്തിലും മൂന്ന് പരിപാടികള് വീതമാണ് മുഖ്യമന്ത്രി പങ്കെടുക്കുക. ഏപ്രില് ഒന്നിന് വയനാട്, രണ്ടിന് – മലപ്പുറം, മൂന്നിന് – എറണാകുളം, നാലിന് – ഇടുക്കി, അഞ്ചിന് – കോട്ടയം, ആറിന് – ആലപ്പുഴ, ഏഴിന് – മാവേലിക്കര, എട്ടിന് – പത്തനംതിട്ട, ഒന്പതിന് – കൊല്ലം, 10 ന് – ആറ്റിങ്ങല്, 12 ന് ചാലക്കുടി, 15 ന് തൃശ്ശൂര്, 16 ന് ആലത്തൂര്, 17 ന് പാലക്കാട്, 18 ന് പൊന്നാനി, 19 ന് കോഴിക്കോട്, 20 ന് വടകര, 21 ന് കാസര്കോട്, 22 ന് കണ്ണൂര് എന്നിങ്ങനെയാണ് പരിപാടികള് നിശ്ചയിച്ചിരിക്കുന്നത്.
