മുംബൈ : ഇന്ത്യയുടെ ഡിജിറ്റൽ സമ്പദ്വ്യവസ്ഥ അതിന്റെ അടുത്ത ഘട്ടത്തിലേക്ക് കടക്കാൻ തയ്യാറെടുത്തിരിക്കുകയാണെന്ന് പ്രധാനമന്ത്രി നരേന്ദ്ര മോദി വ്യക്തമാക്കി. മുംബൈയിൽ ആരംഭിച്ച ഗ്ലോബൽ ഫിൻടെക് ഫെസ്റ്റ് 2026-ൽ സംസാരിക്കുകയായിരുന്നു അദ്ദേഹം.
ഫിൻടെക് ആവാസവ്യവസ്ഥയെ അടുത്ത തലത്തിലേക്ക് കൊണ്ടുപോകാൻ ആവശ്യമായ വ്യാപ്തിയും ജനാധിപത്യവൽക്കരണവും രാജ്യം കൈവരിച്ചതായി പ്രധാനമന്ത്രി പറഞ്ഞു.
ഇന്ത്യയുടെ ഫിൻടെക് യാത്ര തികച്ചും സവിശേഷമാണെന്നും, രാജ്യത്തിന്റെ ഡിജിറ്റൽ പരിവർത്തനത്തിലെ ഏറ്റവും വലിയ ചാലകശക്തിയായി യൂണിഫൈഡ് പേയ്മെന്റ് ഇന്റർഫേസ് അഥവാ യുപിഐ മാറിയെന്നും അദ്ദേഹം കൂട്ടിച്ചേർത്തു. സെപ്റ്റംബർ 8 മുതൽ 11 വരെ മുംബൈയിലാണ് ഗ്ലോബൽ ഫിൻടെക് ഫെസ്റ്റ് നടക്കുന്നത്. ഈ വർഷത്തെ ഉച്ചകോടിയുടെ മുഖ്യ പ്രമേയം ‘പൊട്ടൻഷ്യൽ ടു ഇംപാക്ട്: ഏജന്റിക് എഐ, ടോക്കണൈസേഷൻ, ക്വാണ്ടം – ട്രസ്റ്റഡ്, കണക്ടഡ്, ഗ്ലോബൽ സിസ്റ്റംസ് ഫോർ ഇൻക്ലൂസീവ് ഫിനാൻസ്’ എന്നതാണ്.
