പാലാ : നാടകീയ രംഗങ്ങൾക്കൊടുവിൽ ഭരണകക്ഷിയിലെ ജോസ് ചീരാങ്കുഴിയെ തോൽപിച്ച് പ്രതിപക്ഷത്തെ ലിസിക്കുട്ടി മാത്യു ആരോഗ്യ സ്റ്റാൻഡിംഗ് കമ്മിറ്റി ചെയർമാനായി തെരെഞ്ഞെടുക്കപ്പെട്ടു.
നാലംഗ കമ്മറ്റിൽ സി.പി.ഐ (എം) ലെ ബിനു പുളിക്കക്കണ്ടവും , ഷീബാ ജിയോയും ഹാജരായില്ല. ഇതോടെ രണ്ട് പേർ മാത്രമായി. തുടർന്ന് നടന്ന നറുക്കെടുപ്പിൽ ലിസിക്കുട്ടി തെരഞ്ഞെടുക്കപ്പെട്ടു.
ഭരണകക്ഷിയിലെ ധാരണ അനുസരിച്ച് ജോസ് ചീരാങ്കുഴിയാണ് ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ആവേണ്ടിയിരുന്നത് എന്നാൽ വിപ്പ് സ്വീകരിക്കുവാൻ സി.പി.എമ്മിലെ ഷീബാ ജിയോ ആദ്യം തയ്യാറായിരുന്നില്ല.
