റിയാദ്: സൗദി അറേബ്യയിലെ റിയാദില് ജയിലില് കഴിഞ്ഞ കോഴിക്കോട് സ്വദേശി അബ്ദുള് റഹീം ഉടന് നാട്ടിലെത്തും. എമിഗ്രേഷന് നടപടികള് അവസാന ഘട്ടത്തിലാണ്. നാളെ വലിയ പെരുന്നാളിന് മുമ്പ് റഹീം നാട്ടിലെത്തുമെന്ന പ്രതീക്ഷയിലാണ് കുടുംബം. ഇന്നലെയാണ് റഹീമിന്റെ മോചന ഉത്തരവില് അധികൃതര് ഒപ്പുവെച്ചത്. രാജ്യം വിടാനുള്ള എമിഗ്രേഷന് നടപടികളാണ് ഇനി പൂര്ത്തിയാക്കാനുള്ളത്.
ജയിലില് നിന്ന് നാടുകടത്തല് കേന്ദ്രത്തിലേക്ക് മാറ്റുകയാണ് ആദ്യത്തെ നടപടി. അവിടെ വെച്ച് തിരികെ വരുന്നതിന് വിലക്കേര്പ്പെടുത്തി നാട് കടത്തിക്കഴിഞ്ഞാല് റഹീമിന് നാട്ടിലേയ്ക്ക് തിരികെ പോരാം. അബ്ദുല് റഹീമിന്റെ 20 വര്ഷത്തെ ശിക്ഷാ കാലാവധി കഴിഞ്ഞ ദിവസമാണ് പൂര്ത്തിയായത്.
മരിച്ച ബാലന്റെ കുടുംബത്തിന് ദിയാധനം നല്കി വധശിക്ഷ ഒഴിവാക്കിയിരുന്നു. മറ്റ് വകുപ്പുകളില് 20 വര്ഷം തടവ് ശിക്ഷ ആയിരുന്നു വിധി. അതാണ് കഴിഞ്ഞ ദിവസം അവസാനിച്ചത്. 2006 നവംബറിലാണ് സൗദി ബാലന് അനസ് അല് ഫായിസിന്റെ കൊലപാതകക്കേ സില് അബ്ദുല് റഹീം അറസ്റ്റിലാകുന്നത്. 2012ലാണ് ശിക്ഷ വിധിച്ചത്. 34 കോടി ദിയാധനം നല്കിയതിന് ശേഷമാണ് അബ്ദുല് റഹീമിന്റെ മോചനം.
