തിരുവനന്തപുരം: അഞ്ചരക്കണ്ടി ദന്തല് കോളേജിലെ വിദ്യാർത്ഥിയായിരുന്ന നിതിന് രാജിന്റെ മരണത്തിൽ 15 ദിവസത്തിനകം പ്രാഥമിക റിപ്പോര്ട്ട് നൽകണമെന്ന് ക്രൈംബ്രാഞ്ചിന് നിർദ്ദേശം നൽകി എഡിജിപി.
കണ്ണൂർ ക്രൈംബ്രാഞ്ച് എസ്പിക്കാണ് എഡിജിപി നിർദ്ദേശം നൽകിയത്. അന്തിമ റിപ്പോര്ട്ട് 30 ദിവസത്തിനകം നല്കണമെന്നും അറിയിച്ചിട്ടുണ്ട്.
ലോൺ ആപ്പിനെതിരെ എടുത്ത കേസും അന്വേഷിക്കും. നിതിൻ രാജിൻ്റെ ഫോൺ വിവരങ്ങൾ പുറത്ത് പോകരുതെന്നും അന്വേഷണ സംഘത്തിന് നിർദ്ദേശം നൽകിയിട്ടുണ്ട്. കോടതി നിർദ്ദേശിച്ചാല് സിസിടിവി ദൃശ്യങ്ങളടക്കം കുടുംബത്തിന് നല്കാനും തീരുമാനമുണ്ട്.
