തിരുവനന്തപുരം : കെ. മുരളീധരൻ്റെ സ്ഥാനാർത്ഥിത്വം ആവശ്യപ്പെട്ട് കോൺഗ്രസ് പ്രാഥമിക ഘടകങ്ങളുടെ വടംവലി.
നിയമസഭാ തിരഞ്ഞെടുപ്പില് കോണ്ഗ്രസ് നേതാവ് കെ മുരളീധരന് കായംകുളത്ത് മത്സരിക്കണമെന്നാവശ്യപ്പെട്ട് പോസ്റ്റർ പ്രത്യക്ഷപ്പെട്ടു. ‘കോണ്ഗ്രസ് കൂട്ടായ്മ’യുടെ പേരില് പതിച്ചിരിക്കുന്ന പോസ്റ്ററില് കെ മുരളീധരനെ കായംകുളത്തിന് തരണമെന്നാണ് ആവശ്യപ്പെടുന്നത്.
കേരളത്തിന്റെ മതേതര മുഖമാണ് കെ മുരളീധരന്. വിജയം സുനിശ്ചിതമാണെ ന്നും പോസ്റ്ററിലുണ്ട്. 2006 മുതല് സിപിഐഎം ജയിക്കുന്ന മണ്ഡലമാണ് കായംകുളം. കഴിഞ്ഞ നിയമസഭാ തിരഞ്ഞെടുപ്പില് യൂത്ത് കോണ്ഗ്രസ് നേതാവ് അരിതാ ബാബുവാണ് മണ്ഡലത്തില് നിന്നും ജനവിധി തേടിയത്.
അതേസമയം , കെ മുരളീധരനായി കഴിഞ്ഞദിവസം കോഴിക്കോട് തിരുവമ്പാടിയിലും പോസ്റ്ററുകള് പ്രത്യക്ഷപ്പെട്ടിരുന്നു. ‘കെ മുരളീധരന് മലയോര മണ്ണിലേക്ക് സ്വാഗതം’ എന്ന പോസ്റ്ററായിരുന്നു തിരുവമ്പാടിയില് പതിച്ചത്. തിരുവമ്പാടി തിരിച്ചുപിടിക്കാന് മതേതരത്വത്തിന്റെ കാവലാള് വേണമെന്നും പോസ്റ്ററിലുണ്ടായിരുന്നു.
