നവരാത്രി ആഘോഷത്തിലെ സുപ്രധാന ചടങ്ങുകളിലൊന്നായ പൂജവയ്പ് ഇന്ന്

തയാറാക്കിയത് : ജ്യോതിഷ പണ്ഡിതൻ സജീവ് ശാസ്താരം

പൂജ വെയ്പ്പ് , പൂജ എടുപ്പ് , വിദ്യാരംഭം


ശരദ് നവരാത്രിയിലെ പ്രധാന ചടങ്ങുകളിലൊന്നാണ് പൂജവെയ്പ്പ് . ഗ്രന്ഥങ്ങൾ , പഠനോപകരണങ്ങൾ എന്നിവ ശ്രീദേവിക്കുമുന്നിൽ സമർപ്പിച്ചു പൂജിക്കുക എന്നതാണ് ഇതുകൊണ്ട് ഉദ്ദേശിക്കുന്നത് . വിദ്യാർത്ഥികൾക്കും മുതിർന്നവർക്കും സരസ്വതീ സങ്കൽപ്പത്തിൽ പൂജവെയ്പ്പു നടത്താവുന്നതാണ് . ശരദ് നവരാത്രിയിൽ അസ്തമയത്തിന്  അഷ്ടമി തിഥി  വരുന്ന സമയത്താണ് പൂജവെക്കേണ്ടത്.
അന്ന്  വൈകുന്നേരത്തോടെ തൊഴിലാളികളും കരകൗശലപണിക്കാരും ഉദ്യോഗസ്ഥരുമെല്ലാം അവരവരുടെ തൊഴിലുപകരണങ്ങളും  പൂജ-യ്ക്കു വേണ്ടി സമര്‍പ്പിക്കണം. 
സ്വന്തം വീട്ടിലോ ക്ഷേത്രങ്ങളിലോ പൂജവെയ്ക്കാം .  വീട്ടിലാണെങ്കിൽ ശുദ്ധിയുള്ള സ്ഥലത്തോ പൂജാമുറിയുള്ളവർ അവിടെയോ പരമാവധി  ശരീര , മനഃ ശുദ്ധിയോടെ പൂജവെക്കണം .

നവമി ദിവസം അടച്ചുപൂജ-യാണ്.ഇന്ദ്രിയങ്ങളെ പുറത്തുനിന്നും അകത്തേക്ക് പിന്‍വലിച്ച് ഇരിക്കുന്നതാണ്  അടച്ചുപൂജ. ആ സമയത്ത് എല്ലാ ഇന്ദ്രിയങ്ങളും ഒന്നിൽ കേന്ദ്രീകരിച്ച്   നമ്മെ ദേവിയുമായി താദാദ്മ്യത്തിൽ എത്തിക്കുവാൻ ശ്രമിക്കണം . നവരാത്രിയിലെ ഏറ്റവും പ്രധാനപ്പെട്ട ചടങ്ങും ഇതുതന്നെയാണ് .
അതിന് ദുഷിച്ച കാര്യങ്ങള് കാണാതിരിക്കുക, കേള്‍ക്കാതിരിക്കുക, പറയാതിരിക്കുക. അങ്ങനെ ചെയ്യുമ്പോള് ഇന്ദ്രിയങ്ങള് പരിശുദ്ധമാകും. ഈശ്വരപ്രാപ്തിക്ക് സന്നദ്ധമാകും. ചീത്തവാക്കുകള് കൊണ്ട് മറ്റുള്ളവരെ വേദനിപ്പിക്കില്ല യെന്ന് തീരുമാനിക്കണം. കാണുന്നത് നല്ല കാര്യങ്ങള്. രൂക്ഷമായ, തീക്ഷ്ണമായ ആഹാരങ്ങള് ഒഴിവാക്കണം. ആഹാരം പാഴാക്കാതിരിക്കുക. ശുചിത്വം പാലിക്കുക എന്നിവയും  വേണം . മഹാനവമിയിലെ അടച്ചു പൂജയുടെ ആന്തരാർത്ഥവും ഇതുതന്നെ .

മഹാനവമിയിലെ അടച്ചുപൂജയിൽ നിന്ന് ജ്ഞാനത്തിന്റെയും പ്രകാശത്തിന്റെയും വിജയത്തിലേയ്ക്ക് തുറക്കുന്ന  ദിനമാണ്  വിജയദശമി .ഒമ്പതു രാത്രിയിലെ കഠിന വ്രതത്താൽ ശുദ്ധീകരിക്കപ്പെട്ട മനസ്സും ശരീരവുമായി ജ്ഞാനസമുദ്രത്തിൽ  നീന്തിത്തുടിക്കുവാനുള്ള പുറപ്പെടലാണ് വിജയദശമി .


നവരാത്രി ആഘോഷങ്ങളുടെ സമാപനത്തിലാണ് വിദ്യയുടെ ആരംഭം.  സകല വിദ്യകൾക്കും തുടക്കം കുറിക്കുവാൻ ഈ ദിവസം ഏറ്റവും അനുകൂലമാണ് . തിഥി അടിസ്ഥാനപ്പെടുത്തിയാണ് നവരാത്രിആഘോഷം ചിട്ടപ്പെടുത്തുന്നത് . തൃതീയമുതൽ പഞ്ചമി വരെ ഈ വർഷം 60 നാഴികയിലും (24 മണിക്കൂറിലും) അധികം വന്നതിനാൽ ഇത്തവണ 9 ദിവസമല്ല 11 ദിവസം നീണ്ടുനിൽക്കുന്നതാണ് ആഘോഷങ്ങൾ. അതിനാൽത്തന്നെ  ഇത്തവണ പത്താം ദിവസമാണ് മഹാനവമി. 11ാം ദിവസം വിജയ ദശമി. കൂടാതെ നാലുദിവസമായിട്ടാണ് പുസ്തക പൂജ വരുന്നത് .  ചുരുക്കിപ്പറഞ്ഞാൽ സാധാരണയായി 9 രാത്രികളും 10 പകലുകളുമാണ് നവരാത്രി ആഘോഷിക്കുന്നതെങ്കിലും  ഇത്തവണ 10 രാത്രികളും 11 പകലുകളുമാണ്  ആഘോഷം .

അസ്തമയത്തിൽ  അഷ്ടമി തിഥി വരുന്ന ദിവസമാണ് പൂജവയ്പ്പ്. സെപ്റ്റംബർ 29 ന് പകൽ 04.32ന് അഷ്ടമി തുടങ്ങുനനതിനാൽ അന്നാണ് പൂജ വെയ്ക്കേണ്ടത്   . ആയുധങ്ങൾ  പൂജ വയ്ക്കേണ്ടത് 30 ന് വൈകിട്ടാണ് .   ദശമി തിഥി ഉദയം മുതൽ ആറ് നാഴിക എങ്കിലും വരുന്ന ദിവസം പൂജയെടുപ്പും വിദ്യാരംഭവും ആചരിക്കും. ഈ വർഷം ഒക്ടോബർ 2 നാണ് പൂജയെടുപ്പും വിദ്യാരംഭവും .

കേരളത്തിൽ പുസ്തകങ്ങൾ  പൂജവെയ്യ്ക്കുന്നതിനുള്ള സമയം 29 ന് വൈകിട്ട് 06.12 മുതൽ 07.20   വരെയാണ്

ഗ്രന്ഥങ്ങൾ പൂജയെടുക്കുന്നതിനും വിദ്യാരംഭത്തിനും
ഒക്ടോബർ 02 കാലത്ത് 05.12 മുതൽ അനുകൂലം. 09.16 വരെ   വിദ്യാരംഭത്തിന്  ജ്യോതിഷ പരമായി ഉത്തമം.


അപ്പോൾ മുതൽ  വിജയദശമി വരെ ഒരു വിധ അധ്യയനവും പാടില്ല .


വിദ്യാരംഭത്തിന് മുമ്പ് ശിവങ്കൽ  ദർശനം നടത്തി ദക്ഷിണാമൂർത്തി സങ്കൽപ്പത്തിൽ വെറ്റില, അടയ്ക്ക , നാണയം ഇവ സമർപ്പിക്കണം . കുടുംബത്തിലെ ഏറ്റവും മുതിർന്ന അംഗത്തിനും ദക്ഷിണ നൽകണം.


വിദ്യാരംഭത്തോടനുബന്ധിച്ച് ജപിക്കുവാൻ സരസ്വതീ സ്തുതി :

സരസ്വതീ നമസ്തുഭ്യം
വരദേ കാമരൂപിണീ
വിദ്യാരംഭം കരിഷ്യാമി
സിദ്ധിർ ഭവതു മേ സദാ

പത്മപത്ര വിശാലാക്ഷീ
പത്മകേസര വർണ്ണിനീ
നിത്യം പത്മാലയാം ദേവീ
സാമാം പാതു സരസ്വതീ

അപർണ്ണാ നാമരൂപേണ
ത്രിവർണ്ണാ പ്രണവാത്മികേ
ലിപ്യാത്മ നൈകപഞ്ചാക്ഷ
ദ്വർണ്ണാം വന്ദേ സരസ്വതീം

മുദ്രാപുസ്തക ഹസ്താഭ്യാം
ഭദ്രാസന ഹൃദിസ്ഥിതേ
പുരസ്സരേ സദാ ദേവീം
സരസ്വതി നമോസ്തുതേ

വന്ദേ സരസ്വതീം ദേവീം
ഭുവനത്രയമാതരേ
യൽപ്രസാദാ തഥേ
യത്പ്രസാദാദൃതേ നിത്യം
ജിഹ്വാന പരിവർത്തതേ


യാ കുന്ദേന്ദു തുഷാരഹാര ധവളാ, യാ ശുഭ്രവസ്ത്രാവൃതാ
യാ വീണാ വരദണ്ഡമണ്ഡിതകരാ, യാ ശ്വേതപത്മാസനാ
യാ ബ്രഹ്മാച്യുത ശങ്കര പ്രഭൃതിഭിർ, ദേവൈ സദാ പൂജിതാ
സാ മാം പാദു സരസ്വതി ഭഗവതീ, നിശ്ശേഷജാഡ്യാപഹാ

ദോർഭിർയുക്താ ചതുർഭിം, സ്ഫടികമണിനിഭൈർ, അക്ഷമാലാം തദാനാം
ഹസ്തേനൈ കേനപത്മം സിതമപിചശുകം, പുസ്തകം ചാ പരേണ
ഭാസാകുന്ദേന്ദു ശംഖസ്ഫടികമണിനിഭാ, ഭാസമാനാ സമാനാ
സാ മേ വാഗ്‌ദേവദേയം, നിവസതു വദനേ, സർവദാ സുപ്രസന്നാ.

സുരാസുരാസേവിത പാദപങ്കജാ, കരേ വിരാജത് കമനീയപുസ്തകാ
വിരിഞ്ചിപത്നീം കമലാസനസ്ഥിതാ, സരസ്വതീ നൃത്യതു വാചിമേ സദാ
സരസ്വതീ സരസിജകേസരപ്രഭാ, തപസ്വിനീ സിതകമലാസനപ്രിയാ
ഘനസ്തനീ കമലവിലോലലോചനാ, മനസ്വിനീ ഭവതു വരപ്രസാദിനീ.

സരസ്വതീ നമസ്തുഭ്യം വരദേ കാമരൂപിണീ
വിദ്യാരംഭം കരിഷ്യാമി സിദ്ധിർഭവതുമേ സദാ

സരസ്വതീ നമസ്തുഭ്യം സർവ്വദേവീ നമോ നമ:
ശാന്തരൂപേ ശശിധരേ, സർവ്വയോഗേ നമോ നമ:
നിത്യാനന്ദേ നിരാധാരേ, നിഷ്‌കളായേ നമോ നമ:
വിദ്യാധരേ, വിശാലാക്ഷീ ശുദ്ധജ്ഞാനേ നമോ നമ:

ശുദ്ധസ്ഫടികരൂപായേ, സൂക്ഷ്മരൂപേ നമോ നമ:
ശബ്ദബ്രഹ്മീ ചതുർഹസ്തേ സർവ്വസിദ്ധൈ നമോ നമ:
മുക്താലംകൃത സർവാംഗേ, മൂലാധാരേ നമോ നമ:
മൂലമന്ത്രസ്വരൂപായേ, മൂലശക്ത്യൈ നമോ നമ:

മനോൻമണീ, മഹായോഗൈ, വാഗീശ്വൈര്യൈ നമോ നമ:
വാഗ്‌ന്യൈ വരദഹസ്തായേ, വരദായേ നമോ നമ:
വേദായേ വേദരൂപായേ, വേദാന്തായേ നമോ നമ:
ഗുണദോഷവിവർജ്ജിന്യൈ, ഗുണദീപ്ത്യൈ നമോ നമ:

സർവജ്ഞാനേ സദാനന്ദേ സർവ്വരൂപേ നമോ നമ:
സമ്പന്നായേ, കുമാരീ ച സർവജ്ഞൈ തേ നമോ നമ:
യോഗാനാര്യൈ ഉമാദേവ്യൈ, യോഗാനന്ദേ നമോ നമ:
ദിവ്യജ്ഞാന ത്രിനേത്രായേ, ദിവ്യമൂർത്തേ നമോ നമ:

അർദ്ധചന്ദ്രജടാധാരീ, ചന്ദ്രബിംബേ നമോ നമ:
ചന്ദ്രാദിത്യ ജടാധാരീ, ചന്ദ്രബിംബേ നമോ നമ:
അണുരൂപേ, മഹാരൂപേ, വിശ്വരൂപേ നമോ നമ:
അണിമദ്ധ്യാഷ്ടസിദ്ധായേ, ആനന്ദായേ നമോ നമ:

ജ്ഞാനവിജ്ഞാനരൂപായേ, ജ്ഞാനമൂർത്തേ നമോ നമ:
നാനാശാസ്ത്രസ്വരൂപായേ, നാനാരൂപേ നമോ നമ:
പത്മജാ പത്മവംശാ ച പത്മരൂപേ നമോ നമ:
പരമേഷ്ട്യൈ പരാമൂർത്തേ, നമസ്തേ പാപനാശിനീ

മഹാദേവീ, മഹാകാളീ, മഹാലക്ഷ്മീ നമോ നമ:
ബ്രഹ്മവിഷ്ണുശിവായൈച, ബ്രഹ്മനാര്യൈ നമോ നമ:
കമലാകരപുഷ്പാ ച, കർമ്മരൂപേ നമോ നമ:
കപാലീ കർമ്മദീപ്തായേ, കർമ്മദായീ നമോ നമ:

ഫലശ്രുതി.
സായം പ്രാത: പഠേ നിത്യം ഷാൺമാസാത് സിദ്ധിരുച്യതേ
ഘോരവ്യാഘ്രഭയം നാസ്തി, പഠദം ശ്രുണ്വതാമപി
ഇത്ഥം സരസ്വതീസ്തോത്രം, അഗസ്ത്യമുനി വാചകം
സർവ്വസിദ്ധികരം നൃണാം സർവ്വപാപപ്രണാശനം.