ന്യൂഡൽഹി : കേന്ദ്ര കാലാവസ്ഥ വകുപ്പിന്റെ പ്രവചന പ്രകാരം ആദ്യ ആഴ്ച്ച ഓഗസ്റ്റ് ഒന്നു മുതൽ 7 വരെ പൊതുവെ എല്ലാ ജില്ലകളിലും മഴ സാധ്യതയുണ്ടെങ്കിലും സാധാരണ ഈ കാലയളവിൽ ലഭിക്കുന്നതിനേക്കാൾ മഴ കുറയാൻ സാധ്യതയെന്നു വിലയിരുത്തൽ.
ഓഗസ്റ്റ് 8 മുതൽ 14 വരെയുള്ള രണ്ടാം ആഴ്ചയിൽ പൊതുവെ എല്ലാ ജില്ലകളിലും കാലവർഷം സജീവമാകാൻ സാധ്യത.
സാധാരണ ഈ കാലയളവിൽ ലഭിക്കുന്നതിനേക്കാൾ കൂടുതൽ മഴ ലഭിക്കും.
എന്നാൽ അടുത്ത രണ്ടു മാസങ്ങളിൽ (ഓഗസ്റ്റ്, സെപ്റ്റംബർ) സാധാരണ ലഭിക്കുന്ന മഴയെക്കാൾ ഇത്തവണ കുറവായിരിക്കാൻ സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കാലവർഷം തുടങ്ങിയ മേയ് 24 മുതൽ ജൂലൈ 31 വരെ സംസ്ഥാനത്ത് 1631 മിമീ മഴ ലഭിച്ചു. ഇത് സാധാരണയേക്കാൾ 18% അധികമാണ്. കണ്ണൂർ (2805.4മിമീ), കാസർകോട് (2471.7മിമീ) കൂടുതൽ മഴ ലഭിച്ച ജില്ലകൾ.
ഓഗസ്റ്റ് ഒന്നാം വാരം മഴ കുറയും; രണ്ടാം വാരം മഴ വീണ്ടും സജീവമാകും, അടുത്ത രണ്ടു മാസങ്ങളിൽ മഴ കുറയും
