കോട്ടയം : കോട്ടയം ഗവൺമെൻറ് കോളേജിൽ നടന്ന ക്രൂരമായ റാഗിങ് ൽ പ്രതിഷേധിച്ച് ബിജെപി ഏകദിന ഉപവാസം നടത്തി.
ബിജെപി കുമരകം, ഏറ്റുമാനൂർ, കോട്ടയം, പനച്ചിക്കാട് മണ്ഡലം പ്രസിഡന്റ്മാരുടെ നേതൃത്വത്തിലാണ് ഉപവാസം നടന്നത്. കോട്ടയം ഗവണ്മെന്റ് നഴ്സിംഗ് കോളേജിനു സമീപമാണ് ഉപവാസം വേദി.
കുറ്റക്കാരായ വിദ്യാർത്ഥികൾക്ക് റാഗിങ് നിയമപ്രകാരം കർശന ശിക്ഷ ഉറപ്പു വരുത്തുക, പ്രിൻസിപ്പൽ, അസി.. വാർഡൻ അടക്കമുള്ളവരെ പ്രതി ചേർക്കുക, ക്യാമ്പസ് റാഗിങ് അവസാനിപ്പിക്കുവാനുള്ള നടപടികൾ സ്വീകരിക്കുക തുടങ്ങിയ ആവശ്യങ്ങൾ ഉന്നയിച്ചു കൊണ്ടാണ് ഉപവാസം സംഘടിപ്പിച്ചിരിക്കുന്നത്.
ബിജെപി കുമരകം മണ്ഡലം പ്രസിഡന്റ് അഭിലാഷ് ശ്രീനിവാസൻ, ഏറ്റുമാനൂർ മണ്ഡലം പ്രസിഡന്റ് സരുൺ അപ്പുക്കുട്ടൻ, കോട്ടയം മണ്ഡലം പ്രസിഡന്റ് വി പി മുകേഷ്, പനച്ചിക്കാട് മണ്ഡലം പ്രസിഡന്റ് ജയകൃഷ്ണൻ തുടങ്ങിയവരാണ് ഉപവാസ സമരത്തിന് നേതൃത്വം നൽകിയത്.
സംസ്ഥാന സമിതി അംഗം കെ ഗുപ്തൻ, ജില്ലാ സെക്രട്ടറി ലാൽ കൃഷ്ണ, ജില്ലാ ട്ര ഷറർ ഡോ. ശ്രീജിത്ത് കൃഷ്ണൻ, കൗൺസിലർമാരായ വിനു ആർ മോഹൻ, ശങ്കരൻ കെ, ബിജുകുമാർ പി എസ്, കെ യു രഘു, അനിൽകുമാർ ബിജെപി നേതാക്കളായ ആന്റണി അറയിൽ, ഉണ്ണി വടാവാതൂർ, വരപ്രസാദ്, ഗോകുൽ തുടങ്ങിയവർ പങ്കെടുത്തു.
