ബംഗളൂരു: ബെലകെരി തുറമുഖം വഴി അനധികൃതമായി ഇരുമ്പയിര് കടത്തിയ കേസില് കാര്വാര് കോണ്ഗ്രസ് എംഎല്എ സതീഷ് കൃഷ്ണ സെയിലിന് ഏഴുവര്ഷം തടവ്. 44 കോടി പിഴയും ശിക്ഷ വിധിച്ചു. ബംഗളൂരുവിലെ ജനപ്രതിനിധികളുടെ പ്രത്യേക കോടതിയാണ് ശിക്ഷ വിധിച്ചത്.
കേസില് സതീഷ് സെയില്, തുറമുഖ വകുപ്പ് ഡപ്യൂട്ടി കണ്സര്വേറ്റര് മഹേഷ് ജെ ബിലിയെ, ഖനിയുടമ ചേതന് ഷാ തുടങ്ങി ഏഴുപേര് കുറ്റക്കാരാണെന്ന് കണ്ടെത്തിയിരുന്നു. വിധി മേല്ക്കോടതി സ്റ്റേ ചെയ്തില്ലെങ്കില് സതീഷ് സെയിലിൻ്റെ എംഎല്എ സ്ഥാനം നഷ്ടമാകും.
ഷിരൂരിലെ ഗംഗാവലി പുഴയില് മണ്ണിടിഞ്ഞ് കാണാതായ കോഴിക്കോട് സ്വദേശി അര്ജുനെ കണ്ടെത്താനുള്ള രക്ഷാപ്രവര്ത്തനത്തില് സതീഷ് സജീവമായിരുന്നു.
