തിരുവനന്തപുരം : മലയാള സിനിമയില് ഒരു പവര് ഗ്രൂപ്പ് പ്രവര്ത്തിക്കുന്നുവെന്ന് ഹേമ കമ്മിറ്റി റിപ്പോര്ട്ടില് പരാമര്ശം. പവര് ഗ്രൂപ്പില് സംവിധായകരും നടന്മാരും നിര്മാതാക്കളും ഉള്പ്പെട 15 പേരാണുള്ളതെന്നാണ് റിപ്പോര്ട്ടിലെ പരാമര്ശം.
മലയാള സിനിമയിലെ ഒരു നടന് ഈ ഗ്രൂപ്പിനെ മാഫിയ സംഘം എന്ന് വിളിച്ചതായും റിപ്പോര്ട്ടില് പരാമര്ശമുണ്ട്. ഈ നടന് അപ്രഖ്യാപിത വിലക്കുകാരണം പിന്നീട് സീരിയല് രംഗത്തേക്ക് പോകേണ്ടി വന്നതായും ഹേമ കമ്മിറ്റി റിപ്പോര്ട്ടില് പരാമര്ശമുണ്ട്. എന്നാൽ ഇവിടെയും അദ്ദേഹത്തിന് വലിയ പ്രതിസന്ധികൾ നേരിട്ടതായും റിപ്പോർട്ടിൽ പറയുന്നു.
അവസരം കിട്ടാന് വിട്ടുവീഴ്ച ചെയ്യണമെന്നും വഴിവിട്ട കാര്യങ്ങള് ചെയ്യാന് സംവിധായകരും നിര്മ്മാതാക്കളും നിര്ബന്ധിക്കുമെന്നും റിപ്പോര്ട്ടില് പരാമര്ശിക്കുന്നു.
സിനിമാതാരങ്ങളില് പലര്ക്കും ഇരട്ടമുഖമാണെന്നും അഡ്ജസ്റ്റ്മെന്റും കോംപ്രമൈസും സ്ഥിരം വാക്കുകളായി എന്ന ഗുരുതര ആരോപണവും റിപ്പോര്ട്ടിലുണ്ട്.
