വെച്ചൂരിൽ രണ്ട് ഹൗസ് ബോട്ടുകൾ പൂർണമായി കത്തി നശിച്ചു

വെച്ചൂർ : അറ്റകുറ്റ പണികൾക്കായി യാർഡിൽ കയറ്റിയിരുന്ന രണ്ട് ഹൗസ് ബോട്ടുകൾ പൂർണ്ണമായി കത്തി നശിച്ചു. വെച്ചുർ റ്റി.ആർ യോക്ക് യാർഡിൽ നിർമാണത്തിലിരുന്ന അതിരമ്പുഴ മാതിരം പുഴ ബൈജുവിൻ്റേയും അക്വാ ജംമ്പോ വർഗീസിൻ്റേയും ബോട്ടുകളാണ് അഗ്നിക്കിരയായത്.

ഇന്ന് പുലർച്ചെയായിരുന്നു തീപിടിത്തം ആരംഭിച്ചത്. ഇന്നലെ വൈകുന്നേരം അഞ്ചിന് തൊഴിലാളികൾ യാർഡിൽ നിന്നും പണി നിർത്തി പോയിരുന്നു. പുലർച്ചെ തീപിടിക്കാനുണ്ടായ സാഹചര്യം വ്യക്തമല്ല.