പാമ്പാടി : പാമ്പാടി വെള്ളൂർ സുബ്രഹ്മണ്യസ്വാമി ക്ഷേത്രത്തിൻ്റെ കുളത്തിൽ യുവാവ് മുങ്ങിമരിച്ചു. വെളളൂർ നൊങ്ങൽ സ്വദേശി വരവുകാലായിൽ ദീപു വി ജെ (28) ആണ് മരിച്ചത്.
വൈകിട്ട് ദീപുവും അദ്ദേഹത്തിൻ്റെ മൂന്ന് സുഹൃത്തുക്കളും ചേർന്ന് അടച്ചിട്ട ക്ഷേത്രക്കുളത്തിൻ്റെ വാതിൽ തുറന്ന് അതിൽ ഇറങ്ങി കുളിക്കുകയായിരുന്നു. നാട്ടുകാർ എതിർത്തെങ്കിലും ഇവർ കുളത്തിൽ ഇറങ്ങിക്കുളിച്ചതാണ് അപകടത്തിന് കാരണം. ക്ഷേത്ര ആവശ്യങ്ങൾക്കും ശുദ്ധജലത്തിനുമാണ് ഈ ക്ഷേത്രക്കുളം ഉപയോഗിച്ചിരുന്നത്.
പാമ്പാടി ഫയർഫോഴ്സ് പാമ്പാടി പോലീസ് എന്നിവർ സ്ഥലത്തെത്തി മൃതദേഹം കരയ്ക്കെടുത്തു ,തുടർന്ന് കോട്ടയം ജില്ലാ ആശുപത്രിയിലേക്ക് മാറ്റി.
പിതാവ്: ജനാർദ്ദനനൻ വി.ജെ
മാതാവ്: രമണി ജനാർദ്ദനൻ
സഹോദരി: പരേതയായ ജിനുമോൾ വി.ജെ
