തൃശൂർ: കലാമണ്ഡലം സത്യഭാമയുടെ വിവാദ പരാമർശത്തിൽ ഉടൻ പരാതി നൽകുമെന്ന് ആർഎൽവി രാമകൃഷ്ണൻ പറഞ്ഞു.
സത്യഭാമയ്ക്കെതിരെ പൊലീസിനും സാംസ്കാരിക വകുപ്പിനും മുഖ്യമന്ത്രിക്കും പരാതി നൽകാശാണ് ഉദ്ദേശിക്കുന്നതെന്ന് ആർഎൽവി രാമകൃഷ്ണൻ പറഞ്ഞു.
വേദി നൽകുമെന്ന് സുരേഷ് ഗോപി അറിയിച്ചതിൽ വളരെ സന്തോഷമുണ്ട്. കലക്കുവേണ്ടി സുരേഷ് ഗോപിയുമായി തീർച്ചയായും സഹകരിക്കും. സിനിമാരംഗത്ത് നിന്നും ഇങ്ങനെയൊരു സഹായം കിട്ടാൻ ഇത്രയധികം വർഷം വേണ്ടിവന്നു. എങ്കിലും സന്തോഷമുണ്ട്.
കലാമണ്ഡലം സത്യഭാമയുടെ പരാമർശത്തിന് ശേഷം വലിയ പിന്തുണയാണ് കിട്ടുന്നത്. മുന്നോട്ടുപോകാൻ ഈ പിന്തുണ ഊർജ്ജമാണെന്നും ആർഎൽവി രാമകൃഷ്ണൻ പറഞ്ഞു.
സത്യഭാമയ്ക്കെതിരെ ഉടൻ പരാതി നൽകും; സുരേഷ് ഗോപിയുമായി സഹകരിക്കും: ആർഎൽവി രാമകൃഷ്ണൻ
