തിരുവനന്തപുരം : കേരള സർവകലാശാലയുടെ ഓണററി ഡോക്ടറേറ്റ് പ്രമുഖരായ നാല് വ്യക്തികൾക്ക് നൽകാൻ സിൻഡിക്കേറ്റ് യോഗം തീരുമാനിച്ചു.
ചലച്ചിത്ര നടൻ മധു, കവി-സംവിധായകൻ ശ്രീകുമാരൻ തമ്പി, മുൻ ഐഎസ്ആർഒ ചെയർമാൻ ഡോ. കെ. രാധാകൃഷ്ണൻ, ഇന്ത്യൻ ഹോക്കി ടീം മുൻ ക്യാപ്റ്റനും ഒളിമ്പ്യനുമായ പി.ആർ. ശ്രീജേഷ് എന്നിവരെയാണ് ഈ അംഗീകാരത്തിനായി സർവകലാശാല സിൻഡിക്കേറ്റ് ഗവർണർക്ക് ശുപാർശ ചെയ്തത്.
ഇതിൽ ഡോ. കെ. രാധാകൃഷ്ണന് ഓണററി ഡി.എസ്സി (Doctor of Science) ബിരുദവും മധു, ശ്രീകുമാരൻ തമ്പി, പി.ആർ. ശ്രീജേഷ് എന്നിവർക്ക് ഓണററി ഡിലീറ്റ് (Doctor of Letters) ബിരുദവുമാണ് നൽകുന്നത്.
കേരള സർവകലാശാലയുടെ ഓണററി ഡോക്ടറേറ്റ് പ്രമുഖരായ നാല് വ്യക്തികൾക്ക്…
