പത്തനംതിട്ട: ആറന്മുള എംഎൽഎ അബിൻ വർക്കി സഞ്ചരിച്ചിരുന്ന കാർ അപകടത്തിൽപ്പെട്ടു. പത്തനംതിട്ട ഓമല്ലൂർ ഷട്ടർമുക്കിന് സമീപമാണ് അപകടമുണ്ടായത്. എംഎൽഎ ഉൾപ്പെടെ വാഹനത്തിലുണ്ടായിരുന്നവർക്ക് പരിക്കേറ്റെങ്കിലും ആരുടെയും പരിക്ക് ഗുരുതരമല്ലെന്നാണ് പ്രാഥമിക വിവരം.
പ്രളയ ദുരിതാശ്വാസ പ്രവർത്തനങ്ങളിൽ പങ്കെടുത്ത ശേഷം താമസസ്ഥലത്തേക്ക് മടങ്ങുന്നതിനിടെയാണ് എംഎൽഎയുടെ വാഹനത്തിൽ മറ്റൊരു കാർ ഇടിച്ചതെന്ന് ദൃക്സാക്ഷികൾ അറിയിച്ചു. അപകടത്തെ തുടർന്ന് പരിക്കേറ്റവരെ ഉടൻ സമീപത്തെ ആശുപത്രിയിലെത്തിച്ച് ചികിത്സ നൽകി.
സംഭവത്തെക്കുറിച്ച് പൊലീസ് അന്വേഷണം ആരംഭിച്ചിട്ടുണ്ട്. അപകടത്തിന്റെ കൃത്യമായ കാരണം കണ്ടെത്തുന്നതിനായി കൂടുതൽ പരിശോധനകൾ പുരോഗമിക്കുകയാണ്.
ആറന്മുള എംഎൽഎ അബിൻ വർക്കി സഞ്ചരിച്ചിരുന്ന കാർ അപകടത്തിൽപ്പെട്ടു; എംഎൽഎയുടെ വാഹനത്തിൽ മറ്റൊരു കാർ ഇടിച്ചെന്ന് ദൃക്സാക്ഷികൾ
