പാമ്പാടി (കോട്ടയം) : പുതുപ്പള്ളി മണ്ഡലത്തിലെ യുഡിഎഫ് സ്ഥാനാർഥി ചാണ്ടി ഉമ്മൻ്റെ തെരഞ്ഞെടുപ്പ് പ്രചാരണത്തിന് പാമ്പാടിയിൽ എത്തിയ രാഹുൽ ഗാന്ധിക്ക് കെ കെ റോഡിലൂടെ ഇലക്ട്രിക്ക് സൈക്കിൾ ചവിട്ടാൻ യാത്രക്കാരെ വലച്ചത് ഒരു മണിക്കൂറെന്ന ആക്ഷേപവുമായി എൽഡിഎഫ്.
രാഹുൽ ഗാന്ധിയുടെ സന്ദർശനത്തിൻ്റെ ഭാഗമായി ദേശീയപാത 183ൽ മണർകാട് മുതൽ ആലാംപള്ളിവരെ ഗതാഗതം മൂന്നു മണിക്കൂർ ഒഴിവാക്കിയിരുന്നു. ഇത് ഒരു മണിക്കൂർ സൈക്കിൾ ചവിട്ടാൻ വേണ്ടിയാണ് തടസ്സപ്പെടുത്തിയതെന്നാണ് പോലീസ്
വെള്ളൂർ പാമ്പാടി മേഖലയിലേയ്ക്കുള്ള യാത്രക്കാർക്ക് വലിയ ബുദ്ധിമുട്ടാണ് ട്രാഫിക്ക് തടസ്സം സൃഷ്ടിച്ചത്.
ദേശീയപാത ബ്ളോക്ക് ചെയ്ത് ഇലക്ഷൻ പ്രചാരണം നടത്തിക നടപടി ഹൈക്കോടതി വിധിയുടെ ലംഘനമാണെന്നും ഇലക്ഷൻ കമ്മീഷന് പരാതി നൽകുമെന്നും എൽഡിഎഫ് പുതുപ്പള്ളി അസംബ്ളി നിയോജകമണ്ഡലം സെക്രട്ടറി അഡ്വ റെജി സഖറിയ പ്രസിഡണ്ട് ജോസഫ് ചാമക്കാല ജനറൽ കൺവീനർ സിബി താളിക്കല്ല് എന്നിവർ അറിയിച്ചു.
