ആലപ്പുഴ: അരൂര് എരമല്ലൂരില് നിര്ത്തിയിട്ടിരുന്ന ടോറസ് ലോറിയിലേക്ക് കെഎസ്ആര്ടിസി സൂപ്പര്ഫാസ്റ്റ് ബസ് ഇടിച്ചുകയറി അപകടം. തിരുവനന്തപുരത്ത് നിന്ന് പാലക്കാട്ടേക്ക് പോവുകയായിരുന്ന ബസാണ് നിയന്ത്രണം നഷ്ടമായി അപകടത്തില്പ്പെട്ടത്. അപകടത്തില് 25 പേര്ക്ക് പരിക്കേറ്റു.
ദേശീയപാതയ്ക്ക് സമീപം എരമല്ലൂര് കാഞ്ഞിരമറ്റം ക്ഷേത്രത്തിനടുത്തു വച്ചായിരുന്നു അപകടം. ബസില് 40 യാത്രക്കാര് ആണ് ഉണ്ടായിരുന്നത്. പരിക്കേറ്റവരില് 21 പേരെ കൊച്ചിയിലെ സ്വകാര്യ ആശുപത്രിയില് പ്രവേശിപ്പിച്ചു. അഞ്ചുപേരുടെ നില ഗുരുതരമാണ്.
അപകടത്തെത്തുടര്ന്ന് ദേശീയപാതയില് ഗതാഗതം ഭാഗികമായി തടസ്സപ്പെട്ടു. പൊലീസും അഗ്നിശമനസേനയും നാട്ടുകാരും ചേര്ന്നാണ് രക്ഷാപ്രവര്ത്ത നങ്ങള് നടത്തിയത്.
നിര്ത്തിയിട്ട ടോറസ് ലോറിയിലേക്ക് ഇടിച്ചുകയറി കെഎസ്ആര്ടിസി…അഞ്ചുപേരുടെ നില ഗുരുതരം…
