കോഴിക്കോട് : ഓസ്ട്രേലിയയില് നിന്നും രണ്ട് ദിവസം മുന്പ് നാട്ടിലെത്തിയ വിദ്യാര്ത്ഥിക്ക് വാഹനാപകടത്തില് ദാരുണാന്ത്യം.
കോഴിക്കോട് പേരാമ്പ്ര മുതുവണ്ണാച്ച സ്വദേശി അശ്വിന് രാജ്(22) ആണ് മരിച്ചത്. നടുവണ്ണൂരിനടുത്ത് കരുവണ്ണൂരില് അശ്വിന് സഞ്ചരിച്ച ബൈക്കും ,കാറും കൂട്ടിയിടിച്ചാണ് അപകടമുണ്ടായത്. ഇന്ന് രാവിലെ 8.30 ഓടെ കരുവണ്ണൂര് പെട്രോള് പമ്പിന് സമീപമാണ് സംഭവം നടന്നത്. കോഴിക്കോട് ഭാഗത്ത് നിന്ന് വരികയായിരുന്ന അശ്വിന് സഞ്ചരിച്ച ബൈക്ക് എതിരെ വന്ന കാറില് കൂട്ടിയിടിക്കുകയായിരുന്നു.
ഇടിയുടെ ആഘാതത്തില് റോഡിലൂടെ അശ്വിന് അല്പ ദൂരം നിരങ്ങി നീങ്ങിപ്പോയിരുന്നു. ഗുരുതരമായി പരിക്കേറ്റ ഇയാളെ ഉടന് തന്നെ മൊടക്കല്ലൂരിലെ സ്വകാര്യ മഡിക്കല് കോളേജ് ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. ഓസ്ട്രേലിയയില് ഉന്നത വിദ്യാഭ്യാസം നടത്തുന്ന അശ്വിന് 2 ദിവസം മുമ്പാണ് നാട്ടിലെത്തിയത്.
അധ്യാപകരായ ചെറുവലത്ത് രാജന്റെയും(റിട്ട. അധ്യാപകന്, എംജെ വിഎച്ച്എസ്എസ്, വില്യാപ്പള്ളി) ബിനിതയുടേയും(എജെജെഎം എച്ച്എസ് ചാത്തന്കോട്ട്നട) മകനാണ്. സഹോദരന് അഭയ് ബി. രാജ്.
