ചെന്നൈ : പരീക്ഷണയോട്ടം പൂർത്തിയാക്കിയ വന്ദേഭാരത് സ്ലീപ്പർ എക്സ്പ്രസ് ട്രെയിനിൻ്റെ ടിക്കറ്റ് നിരക്കുകൾ പ്രഖ്യാപിച്ച് റെയിൽവെ.
400 കിലോമീറ്റർ വരെയുള്ള യാത്രകൾക്ക് തേർഡ് AC ടിക്കറ്റിന് 960 രൂപ മുതൽ 3,500 കിലോമീറ്റർ വരെയുള്ള ഏറ്റവും ദൈർഘ്യമേറിയ യാത്രകൾക്ക് 13,300 വരെയാണ് ഫസ്റ്റ് ക്ലാസ് എസി നിരക്ക്.
400 കിലോമീറ്റർ വരെയുള്ള യാത്രകൾക്ക് സെക്കൻഡ് എസിക്ക് 1240 രൂപയും ഫസ്റ്റ് ക്ലാസ് എസിക്ക് 1,520 രൂപയുമാണ് ടിക്കറ്റ് നിരക്ക്. 800 കിലോമീറ്റർ വരെയുള്ള യാത്രകൾക്ക് 1,920 (3AC), 2,480 (2AC), ₹3,040 (1AC) എന്നിങ്ങനെയാണ് നിരക്കുകൾ. 1,600 കിലോമീറ്റർ വരെയുള്ള യാത്രകൾക്ക് 3,840 (3AC), 4,960 (2AC), 6,080 (1AC) എന്നിങ്ങനെയാണ് നിരക്ക് ഈടാക്കുക.
2,000 കിലോമീറ്റർ വരെയുള്ള ദൂരത്തിന് 4,800 (3AC), 6,200 (2AC), ₹7,600 (1AC) എന്നിങ്ങനെയായിരിക്കും നിരക്ക്. 2,800 കിലോമീറ്റർ വരെയുള്ള യാത്രകൾക്ക് 6,720 (3AC), 8,680 (2AC), 10,640 (1AC) എന്നിങ്ങനെയാണ് നിരക്ക്. പരമാവധി 3,500 കിലോമീറ്റർ ദൂരത്തിന് യാത്രക്കാരിൽ നിന്നും 8,400 (3AC), 10,850 (2AC), 13,300 (1AC) രൂപ ഈടാക്കും. യാത്ര ചെയ്യുന്ന ദൂരത്തിനനുസരിച്ച് നിരക്കുകൾ ക്രമാനുഗതമായി വ്യത്യാസപ്പെടുമെന്ന് ഉദ്യോഗസ്ഥർ കൂട്ടിച്ചേർത്തു.
സ്ഥിരീകരിച്ച ടിക്കറ്റുകളുള്ള യാത്രക്കാർക്ക് മാത്രമേ വന്ദേഭാരത് സ്ലീപ്പർ ട്രെയിനുകളിൽ യാത്ര ചെയ്യാൻ കഴിയൂ. ആർഎസി, വെയിറ്റ്ലിസ്റ്റ് ചെയ്ത ടിക്കറ്റുകൾ അല്ലെങ്കിൽ ഭാഗികമായി സ്ഥിരീകരിച്ച ടിക്കറ്റുകൾ എന്നിവ ഉപയോഗിച്ച് യാത്ര ചെയ്യാനാവില്ല.
സ്ത്രീകൾ, വികലാംഗർ, മുതിർന്ന പൗരന്മാർ, ഡ്യൂട്ടി പാസ് ഉടമകൾ എന്നിവർക്കുള്ള ക്വാട്ട നിലവിലുള്ള നിയമങ്ങൾ അനുസരിച്ച് ബാധകമാകുമെന്ന് റെയിൽവേ ബോർഡ് രാജ്യത്തുടനീളമുള്ള സോണൽ ഉദ്യോഗസ്ഥരെ അറിയിച്ചു. എല്ലാ ടിക്കറ്റുകളും ഓൺലൈനായി തന്നെ വാങ്ങണം.
