ഈരാറ്റുപേട്ട : വോട്ടിങ് മെഷീനില് നോട്ടയില്ലാത്തതിനെതിരെ ബിജെപി നേതാവ് പി.സി ജോര്ജ്. നോട്ടയില്ലാത്തത് വൃത്തികെട്ട തിരഞ്ഞെടുപ്പ് സമ്പ്രദായമാണെന്ന് അദ്ദേഹം പറഞ്ഞു. പിസി ജോര്ജിന്റെ വാര്ഡില് എന്ഡിഎയ്ക്ക് സ്ഥാനാര്ത്ഥി ഉണ്ടായിരുന്നില്ല. ഇതോടെയാണ് അദ്ദേഹം പ്രതികരണവുമായി എത്തിയത്. എന്നാല് ഇഷ്ടപ്പെട്ടൊരാള്ക്ക് വോട്ട് ചെയ്തെന്നും ഇലക്ഷന് കമ്മീഷന്റേത് വിവരക്കേടാണെന്നും പിസി ജോര്ജ് പറഞ്ഞു.
മുതിര്ന്ന ബിജെപി നേതാവായ പി സി ജോര്ജിന്റെയും മകനും ബിജെപി സംസ്ഥാന വൈസ് പ്രസിഡന്റുമായ ഷോണ് ജോര്ജിന്റെയും സ്വന്തം വാര്ഡില് ബിജെപിക്ക് സ്ഥാനാര്ത്ഥി ഇല്ല. അതിനാല് നോട്ടയ്ക്ക് വോട്ട് ചെയ്യാന് കഴിയുന്നില്ലെന്നാണ് പി സി ജോര്ജിന്റെ വാദം.
‘ഇവിടെ രണ്ട് സ്ഥാനാർത്ഥികളാണ്. ഇതിലൊരാൾക്ക് വോട്ട് ചെയ്യാം. എന്നാൽ നോട്ടക്ക് വോട്ട് ചെയ്യാൻ സാധിക്കില്ല. ഒരാൾക്ക് ഞാൻ വോട്ട് ചെയ്തു എന്നത് വേറെ കാര്യം. നോട്ട വേണ്ടേ? തിരഞ്ഞെടുപ്പ് കമ്മീഷൻ എന്ത് നിയമമാണ് ഉണ്ടാക്കിയിരിക്കുന്നത്. വിവരക്കേട് കാണിക്കുകയാണോ. എനിക്ക് നോട്ടക്ക് വോട്ട് ചെയ്യണം എന്ന് കരുതിയാൽ എവിടെപ്പോയി വോട്ട് ചെയ്യും. അത് എന്റെ അവകാശമല്ലേ. വൃത്തികെട്ട തിരഞ്ഞെടുപ്പ് സംവിധാനമാണ്. ഇതില് എനിക്ക് പരാതിയുണ്ട്. ബിജെപി സ്ഥാനാർത്ഥി ഇല്ലെങ്കിൽ ആ പാർട്ടിക്കാരനായ ഞാൻ എവിടെപോയി വോട്ട് ചെയ്യണം. നോട്ടക്ക് അല്ലെ ചെയ്യാൻ പറ്റൂ’ എന്നായിരുന്നു അദ്ദേഹത്തിന്റെ വാക്കുകൾ.
സ്വന്തം വാര്ഡില് ബിജെപിക്ക് സ്ഥാനാര്ത്ഥി ഇല്ല; നോട്ട ഇല്ലാത്തതില് പൊട്ടിത്തെറിച്ച് പി.സി ജോര്ജ്…
