ചെറുതുരുത്തി: വാഹനാപകടത്തിൽ യുവാവ് മരിച്ചു. പിക്കപ്പ് വാഹനവും പെട്രോളുമായി പോയ ടാങ്കർ ലോറിയും കൂട്ടിയിടിച്ചാണ് അപകടം നടന്നത്. മലപ്പുറം മമ്പാട് മേപ്പാടം സ്വദേശി അഫ്സല് (32) ആണ് മരിച്ചത്.
ചെറുതുരുത്തി ചുങ്കത്ത് വച്ച് ഇന്നലെ പുലർച്ചെ അഞ്ച് മണിയോടെയാണ് അപകടം നടന്നത്. ഇടിയുടെ ആഘാതത്തിൽ പിക്കപ്പ് വാഹനത്തിൻ്റെ മുൻവശം തകർന്നു. വാഹനത്തിനുള്ളിൽ കുടുങ്ങിയ അഫ്സലിനെ ഏറെ പണിപ്പെട്ടാണ് പുറത്തെടുത്തത്.
ഗുരുതരമായ പരിക്കുകളോടെ ആശുപത്രിയിൽ പ്രവേശിപ്പിച്ചെങ്കിലും രാവിലെ പത്ത് മണിയോടെ മരണം സംഭവിച്ചു. ഏഴ് മാസം ഗർഭിണിയായ ഭാര്യ ലിയക്കും നാല് വയസുകാരനായ ഏദന് യസാക്കിനും തീരാനോവായി മാറിയിരിക്കുകയാണ് അഫ്സലിൻ്റെ അകാല വിയോഗം.
