കണ്ണൂര്: പി എം ശ്രീ പദ്ധതിയില് ഒപ്പിട്ട വിദ്യാഭ്യാസമന്ത്രി വി ശിവന്കുട്ടിയുടെ കോലം കത്തിച്ച് എഐവൈഎഫ് പ്രവര്ത്തകര്. കണ്ണൂരിലാണ് സിപിഎയുടെ യുവജനവിഭാഗമായ എഐവൈഎഫ് പ്രവര്ത്തകര് മന്ത്രിയുടെ കോലം കത്തിച്ചത്. കേരള സര്ക്കാര് തീരുമാനം മതേതരനാടിന് അപമാനം എന്നുപറഞ്ഞായിരുന്നു എഐവൈഎഫ് പ്രവര്ത്തരുടെ പ്രതിഷേധം.
കേന്ദ്രം ഭരിക്കുന്ന ബിജെപി സര്ക്കാരിന്റെ വര്ഗീയ അജണ്ട നടപ്പിലാക്കാന് കൂട്ടുനിന്നെന്നും നാലുവെള്ളിക്കാശിന് വേണ്ടി ഒറ്റിക്കൊടുത്തുവെന്നും മുദ്രാവാക്യം വിളിച്ചാണ് പ്രവര്ത്തകര് ശിവന്കുട്ടിയുടെ കോലം കത്തിച്ചത്. പിഎം ശ്രീ പദ്ധതിയില് ഒപ്പിട്ടതില് രൂക്ഷ വിമര്ശനവുമായി സിപിഐ സംസ്ഥാന സെക്രട്ടറി ബിനോയ് വിശ്വം രംഗത്ത് എത്തിയതിന് പിന്നാലെയാണ് എഐവൈഎഫ് പ്രവര്ത്തകര് കോലം കത്തിക്കല് പ്രതിഷേധവുമായി രംഗത്തുവന്നത്.
‘നാലുവെള്ളിക്കാശിന് വേണ്ടി കേരളത്തെ ഒറ്റിക്കൊടുത്തു’; ശിവന്കുട്ടിയുടെ കോലം കത്തിച്ച് എഐവൈഎഫ്
