മൂന്നാര് : മൂന്നാറിലേക്ക് എത്തുന്ന സാഹസിക സഞ്ചാരികള്ക്കായി പാരാ സൈലിംഗ് പദ്ധതിയുമായി ഹൈഡല് ടൂറിസം വകുപ്പ്. സ്വകാര്യ കമ്പനിയുമായി ചേര്ന്ന് വരുമാനം പങ്കിടല് വ്യവസ്ഥയിലാണ് പദ്ധതി നടപ്പിലാക്കാന് ആലോചിക്കുന്നത്. ഇതിന്റെ ഭാഗമായി മാട്ടുപ്പെട്ടി ജലാശയത്തില് പാരാ സൈലിംഗ് പരീക്ഷണ പറക്കല് നടത്തി.
രണ്ട് ദിവസം കൂടി പരീക്ഷണ പറക്കല് നടത്തിയതിന് ശേഷം അനുകൂലമായ സാഹചര്യമുണ്ടെങ്കില് മാത്രമാകും പദ്ധതി ആരംഭിക്കുക. പ്രകൃതി മനോഹാരിത മാത്രമല്ല. വ്യത്യസ്ഥമായ വിനോദ ഉപാധികള്കൂടി മൂന്നാറിലേക്കെത്തിച്ച് കൂടുതല് സഞ്ചാരികളെ ഇവിടേക്ക് ആകര്ഷിക്കുകയെന്ന ലക്ഷ്യത്തോടെയാണ് ഹൈഡല് ടൂറിസം വകുപ്പ് ഇടുക്കിക്ക് പരിചിതമല്ലാത്ത പാരാ സൈലിംഗ് പദ്ധതിയുമായി രംഗത്തെത്തിയത്.
വിശാലമായ മാട്ടുപ്പെട്ടി ജലാശയത്തിലാണ് പദ്ധതി നടപ്പിലാക്കുന്നത്. ഇതിന്റെ ഭാഗമായി പരീക്ഷണ പറക്കലും നടത്തി. കൊച്ചി ആസ്ഥാനമായി പ്രവര്ത്തിക്കുന്ന പവ്വര് ബോട്ട് മറെയിന് പ്രൈവറ്റ് ലിമിറ്റഡ് എന്ന കമ്പനിയുമായി ചേര്ന്ന് വരുമാനം പങ്കിടല് വ്യവസ്ഥയില് പദ്ധതി നടപ്പിലാക്കുന്നതിനാണ് ഹൈഡല് ടൂറിസം വകുപ്പിന്റെ നീക്കം. പ്രകൃതി മനോഹാരിത യുടെ നടുവില് പുതിയ പദ്ധതിയെത്തുന്ന തോടെ കൂടുതല് സഞ്ചാരികളെ ആകര്ഷിക്കാനാകുമെന്നാണ് പ്രതീക്ഷ.
മൂന്നാറിനെ ടൂറിസം രംഗത്ത് ഉയര്ത്തിക്കൊണ്ട് വരുന്നതിനായി വിവിധ പദ്ധതികള് സര്ക്കാര് നടപ്പിലാക്കി വരുന്നുണ്ട്. ഇതിന് മുമ്പ് സീ പ്ലെയിന് പദ്ധതിയുമായി ബന്ധപ്പെട്ട് വിമാനം മാട്ടുപ്പെട്ടി ജലാശത്തില് ഇറങ്ങുകയും ചെയ്തിരുന്നു.
